იტალიის ფეხბურთელთა ეროვნული ნაკრების ყოფილმა წევრმა და “მილანის” 40 წლის კაპიტანმა პაოლო მალდინიმ, კლუბთან კონტრაქტი 2009 წლის 30 ივნისამდე გააგრძელა.
ამის შესახებ, საფეხბურთო კლუბ “მილანის” ოფიციალური ვებ-გვერდი იუწყება.
გასული წლის ზაფხულში, მალდინი აცხადებდა, რომ მშობლიური გუნდის რიგებში ბოლო სეზონს ჩაატარებდა, მაგრამ მან აღნიშნული გადაწყვეტილება შეცვალა და კვლავ “როსონერის” ღირსებას დაიცავს.
მალდინი “მილანში” 1984 წლიდან გამოდის და 617 მატჩში 29 გოლი გაიტანა.
40 წლის მცველი, იტალიის ეროვნული ნაკრების ღირსებას 1988-2002 წლებში იცავდა და 126 მატჩში, მეტოქის კარი 7-ჯერ აიღო.

იტალიური და მსოფლიო ფეხბურთის ლეგენდა, ყველა დროის ერთ-ერთი საუკეთესო მეკარე დინო ძოფი დაიბადა 1942 წლის 28 თებერვალს მოლიანო დე ფრიულიში(იტალია).

უნიკალური მეკარე რომელსაც აქვს დამყარებული რეკორდი, მას საერთაშორისო არენაზე 1142 წუთი არ გაუშვია ბურთი(1972დან-1774მდე წლებში მას არ გაუშვია ბურთი) მას 112 მატჩი აქვს იტალიის ნაკრებში ჩატარებული და მხოლოდ პაოლო მალდინი უსწრებს ამ მაჩვენებელში.

საფეხბურთო კარიერა

1961-1963 უდინეზე (4 მატჩი)
1963-1967 მანტოვა (93 მატჩი)
1967-1972 ნაპოლი (143 მატჩი)
1972-1983 იუვენტუსი (330 მატჩი)

დინო ზოFი ბავშვობაში იყო ძალიან დაბალი, ის თამაშობდა იუვესა და ინტერნაციონალეს ახალგაზრდულ კლუბებში, მას ძალიან უნდოდა მეკარეობა, ის როცა იყო 14-16 წლის მან 33 სანტიმეტრი მოიმატა სიმაღლეში და ბრწყინვალე რეაქციისა და მოქნილობის წყალობით ნელ-ნელა მოუმატა თამაშს. მისი დებიუტი უდინეზეში შედგა 1961 წელს, მაგრამ 2 ... კითხვის გაგრძელება »

კომპანია IFIL–ის ახალი პრეზიდენტი, “იუვენტუსის” მთავარი ინვესტორი, ჯონ ელკანი მზად არის გაყიდოს გუნდის ერთ–ერთი საუკეთესო სნაიპერი დავიდ ტრეზეგე.

ელკანის თქმით, ფრანგის ტრანსფერი სრულად არის დამოკიდებული მისი “ბარსელონის” მხრიდან ყიდვის სურვილზე.
“დატოვებს თუ არა ტრეზეგე იუვენტუსს? ეს კითხვა ჩვენ არ უნდა დაგვისვათ. ყველაფერი ბარსელონის ხელშია, კითხეთ მათ” - განაცხადა ფინანსურმა მაგნატმა.

თავისი განცხადებით ჯონმა დაადასტურა ინფორმაცია იმის შესახებ, რომ კატალონიელებს დავიდის ყიდვა სურთ.

ტურინელებმა უკვე იყიდეს უძვირფასესი ბრაზილიელი ამაური, ეხლა, კი მიზანში კიდევ უფრო ძვირადღირებული ხაბი ალონსო ამოიღეს. რა თქმა უნდა, კლუბს სერიოზული თანხა და ტრანსფერების სწორი წარმართვა სჭირდება. ტრეზეგემ შეიძლება მნიშვნელოვანი წილი შეიტანოს ესპანელის “ლ ... კითხვის გაგრძელება »

ესტონეთსა და პორტუგალიასთან ამხანაგური მატჩები ნაკრების კაპიტანმა კახა კალაძემ ტრავმის გამო გამოტოვა.

მართალია, კახამ 3 ივნისს შოთა არველაძის გამოსათხოვარ შეხვედრაში მიიღო მონაწილეობა, მაგრამ მხოლოდ მსუბუქი დატვირთვითა და ფრთხილი თამაშით შემოიფარგლა. ის მატჩი კალაძემ ტრავმით ჩაატარა და იმავე საღამოს იტალიაში გაემგზავრა.

რამდენადაც ცნობილია, კალაძე საოპერაციო იყო. თუმცა, როგორც ჩანს, ვითარება ასე რთულად არ ყოფილა. ნაკრების კაპიტანს ამ ეტაპზე ოპერაცია არ სჭირდება. ქირურგიული ჩარევის გარეშე მკურნალობაც საკმარისი უნდა იყოს.

“ექიმთან უკვე ვიყავი და გამოკვლევებიც ჩავიტარე. როგორც ჩანს, გამიმართლა, ამ ეტაპზე ოპერაციის აუცილებლობა არაა. ნემსებით მკურნალობა დამინიშნეს და ეს კურსი დავიწყე კიდეც. იმედი მაქვს, ქირურგიული ჩარევის გარეშე შევძელებ ფონს გასვლას და ოპერაცია დეკემბერშიც არ დამჭირდება”-განაცხადა კახა კალაძემ.

საქართველოს ნაკრების ახალგაზრდა ფორვარდის, ლევან მჭედლიძის “ემპოლი” სერია A-ს დაემშვიდობა, რის გამოც კლუბი რამდენიმე წამყვანმა ფეხბურთელმა უკვე დატოვა ან ამას უახლოეს ხანებში აპირებს.

რატი ახლახან “პალერმომ” შეიძინა, ჯოვინკო, მარკიზიო და ჯაკომაცი უკვე დაუბრუნდნენ, “იუვენტუსსა” და “ლეჩეს”, საიდანაც განათხოვრებული იყვნენ “ემპოლიში”.

კლუბს ტოვებენ აგრეთვე ბალი, ადანი, ვანილი და ბუდელი. სერია B-ში სილიო ბალდინი ახალგაზრდებს მისცემს გასაქანს, როგორებიც არიან ლაკოპონი, კატურანო, პელაგოტი და არვია.

იმედია, რომ ქართველი ტალანტი გუნდ არ მიატოვებს. მჭედლიძე გასულ სეზონში ტრავმებმა გატანჯა. ბალდინი მჭედლიძეს მომავალში ძირითადის ფეხბურთელად განიხილავს.

იტალიის ფეხბურთელთა ეროვნული ნაკრების მეკარე მარკო ამელია, რომელმაც გასული სეზონი სერია ბ-ში დაქვეითებულ “ლივორნოში” გაატარა, კარიერას “პალერმოში” გააგრძელებს.
ამის შესახებ, საფეხბურთო ინტერნეტ-გამოცემა Goal-ი იუწყება.
ამელიას სანაცვლოდ, სიციელიელები “ლივორნოს” 5,5 მილიონ ევროს გადაუხდიან.
იტალიელი მეკარის მიმართ ინტერესს მიუნხენის “ბაიერნი”, მადრიდის “ატლეტიკო” და სერია ა-ს რამდენიმე კლუბი იჩენდა, მაგრამ ექს-ლივორონოელმა არჩევანი “პალერმოზე” შეაჩერა.
აღსანიშნავია, რომ უახლოეს დღეებში, სიცილიელებს “ლივორნოს” კიდევ ერთი ფეხბურთელი - შემტევი ნახევარმცველი ალესანდრო დიამანტი შეემატებათ - “პალერმოს” სპორტული დირექტორი ფოსკი, მისი ტრანსფერის თაობაზე, ლიგურიელებს უკვე მოურიგდა.

იტალიის ეროვნული გუნდის მთავარმა მწვრთნელმა რობერტო დონადონიმ ნაკრებთან კონტრაქტი ორი წლით გააგრძელა.
ფიფა-ს ოფიციალური ვებ-გვერდის ცნობით, დონადონიმ “სკუადრა აძურასთან” ახალი ხელშეკრულების დეტალები ჯერ კიდევ 20 მაისს შეათანხმა, თუმცა, გადაწყვეტილება 2008 წლის ევროპის ჩემპიონატის დაწყებამდე სამი დღით ადრეღა გაახმაურა.

“სკუადრა აძურას” ყოფილი ფორვარდი ალბერტო ჯილარდინიო “მილანიდან” “ფიორენტინაში” გადავიდა. ამ ტრანსფერის ღირებულება 15 მილიონი ევროა. ჯილარდინიო “მილანში ” 2005 წელს “პარმადან” გადავიდა და თვითონ გუნდის ერთ - ერთი ლიდერადაც ითვლებოდა, მაგრამ თანდათანობით მან ვერ გაუძლო კონკურენციას რონალდოსთან, ინძაგისთან, პატოსთან და სათადარიგო სკამს გაუშინაურდა.

ბუნებრივია, ფორვარდს მოვლენების ასეთი განვითარება ხელს არ აძლევს და კარიერის სხვაგან გაგრძელება არჩია. “მილანში თავს ბედნიერად ვგრძნობდი, მაგრამ ჩემი კარიერის გადასარჩენად “ფიორენტინაში” გადასვლა ვარჩიე. იმედია, ფლორენციაში ყველაფერი კარგად მექნება და ნაკრებში დაბრუნებასაც მოვახერხებ”, - განაცხად ჯილრდინიომ.

საქართველოს ნაკრების კაპიტანი კახა კალაძე დაახლოებით ორი თვე ვერ ითამაშებს ფეხბურთს. იტალიური “მილანის” ქართველი მცველი გუშინ ჩამოვიდა თბილისში, ეროვნული გუნდის დროებითი თავკაცი პეტარ სეგრტიც მოინახულა.

კალაძემ ტრავმა “მილანში” მიიღო, მენისკი დაიზიანა და ბოლო სამი თამაში ნემსებით ჩაატარა, ახლა კი ოპერაციას იკეთებს.

რამდენადაც ცნობილია, კალაძე ოპერაციას მომავალ კვირაში გაიკეთებს.

იტალიური “ფიორენტინა”, ინგლისურ “ლივერპულს”, “უდინეზეს” მცველ ანდრეას დოსენას შეძენაში ეცილება.
როგორც Sky Sports დოსენას აგენტმა განუცხადა, “ფიორენტინა” ძალიან მონდომებულია მისი კლიენტის საკუთარ გუნდში ხილვით.
თავის მხრივ, “უდინეზეს” სპორტული დირექტორი პიეტრო ლეონარდი ადასტურებს, რომ 26 წლის მცველის ტრანსფერთან დაკავშირებით, “ლივერპულთან” მოლაპარაკებები მიმდინარეობს, თუმცა, იმასაც ამბობს, რომ იტალიელთა პირობებს ინგლისელები ჯერჯერობით არ თანხმდებიან.
“ინგლისური მხარე, ჯერჯერობით, ჩვენს პირობებს სრულად არ ეთანხმება. მოლაპარაკებები გრძელდება. მოცემულ მომენტში გადაწყვეტილი არაფერია, შემდეგი შეხვედრა კი მომდევნო კვირაში შედგება” - აღნიშნა ლეონარდიმ.