ლონდონის “არსენალის” ჰოლანდიელი თავდამსხმელი რობინ ვან პერსი, კლუბის ხელმძღვანელობას აფრთხილებს, რომ, თუ ისინი ფინანსურ პოლიტიკას არ შეცვლიან, შესაძლოა, “მეთოფეები” რამდენიმე წამყვანი ფეხბურთელის გარეშე დარჩნენ.
ამის შესახებ, ბრიტანული გამოცემა Daily Mail-ი იუწყება.
“თუ მათ სურთ, რომ წამყვანი ფეხბურთელები გუნდში დარჩნენ, მაშინ, საკუთარ ფინანსურ პოლიტიკას უნდა გადახედონ. კლუბის ხელმძღვანელობამ ხელფასები უნდა გაზარდოს, რათა მოთამაშეებისთვის “არსენალში” დარჩენა მიმზიდველი იყოს. თუ ფეხბურთელი 27-28 წლისაა, ამ შემთხვევაში იგი, ცხადია, ისეთ კლუბში წავა, სადაც ოთხჯერ მეტს უხდიან”, – განაცხადა ვან პერსიმ.
ამჟამად, ჰოლანდიელი “არსენალთან” ახალი კონტრაქტის პირობებს განიხილავს, მაგრამ მისთვის მიუღებელია, რომ “მეთოფეთა” კლუბში ხელფასები უფრო დაბალია, ვიდრე სხვა წამყვან ევროპულ კლუბებში.

 

ბრაზილიის ეროვნული ნაკრების და მადრიდის ”რეალის” თავდამსხმელი რობინიო, უმოკლეს დროში შესაძლოა ლონდონის ”ჩელსის” რიგებში ვიხილოთ.ფეხბურთელის აგენტმა, ბაგნერ რეიბეირომ წინასწარი მოლაპარაკება უკვე ჩაატარა ინგლისურ კლუბთან, რომლის მესვეურნიც თანახმანი არიან, რომ ბრაზილიელში 35 მილიონი ევრო გადაიხადონ.

რობინიოთი ”ჩელსის” დაინტერესების შესახებ თავად რობინიო აცხადებს, რომელმაც აღნიშნა, რომ ლონდონელებისგან მოწვევა მიღებული აქვს და მისით იტალიური ”მილანიცაა” დაინტერესებული.

წლევანდელ სეზონზე რობინიომ ლომის წილი გაიღო, რომ ”რეალს” პრიმერადივიზიონი მოეგო.

სეზონის დასასრულს ”რეალს” განზრახული ქონდა რობინიო ”მანჩესტერისთვის” გადაეცა კრიშტიანუ რონალდუს სანაცვლოდ, მაგრამ კრიშტიანუმ აღარ მოინდომა პრემიერლიგის და ჩემპიონთა ლიგის გამარჯვებული გუნდის დატოვებ ... კითხვის გაგრძელება »

ლონდონის “ჩელსის” ყოფილმა თავკაცმა ჟოზე მაურინიომ თავის მემკვიდრეს, გუნდიდან აწ უკვე დათხოვნილ აბრაამ გრანტს, ხელმოცარული მწვრთნელი უწოდა.
ამის შესახებ ინტერნეტ-გამოცემა Goal-ი იტყობინება.
“ჩემი ფილოსოფიით, სიტყვა “თითქმის” ფეხბურთში მარცხს ნიშნავს. მან თითქმის მოიგო ჩემპიონთა ლიგა, პრემიერლიგა და ლიგის თასი, თუმცა, თითქმის - ეს არაფერია. გუნდი ტიტულის გარეშე დარჩა, რაც იმას ნიშნავს, რომ სეზონი წარუმატებელი იყო. მაგრამ ხელმოცარული ადამიანის ფილოსოფიით, ამ სეზონს შეიძლება კარგი ეწოდოს” - განაცხადა მაურინიომ.
აბრაამ გრანტმა მაურინიო “ჩელსის” მთავარი მწვრთნელის თანამდებობაზე გასული წლის სექტემბერში შეცვალა, მაგრამ სეზონის ტიტულის გარეშე დასრულების გამო, ებრაელი სპეციალისტი გუშინ კლუბიდან გაათავისუფლეს.

ინგლისური “მანჩესტერ იუნაიტედისა” და პორტუგალიის ეროვნული ნაკრების ნახევარმცველი კრიშტიანუ რონალდუ, რომლისთვისაც ბოლო სეზონი კარიერაში საუკეთესო გამოდგა, მიღწეულზე შეჩერებას არ აპირებს და აცხადებს, რომ მომავალ სეზონში უკეთ ითამაშებს.
ამის შესახებ Sky Sports-ი იტყობინება.
“მანჩესტერ იუნაიტედი ყოველ სეზონში პროგრესირებს. ეს სეზონი ბრწყინვალედ ჩავატარეთ, მე ორი საკლუბო ტიტულისთვის ბრძოლაში ბევრი გოლი გავიტანე და ვეცდები, რომ მომავალ სეზონში კიდევ უფრო უკეთ ვითამაშო. ახლა პირველი ევროპული ტიტული მოვიპოვე და მინდა უფრო და უფრო მეტ წარმატებას მივაღწიო, რადგან ეს წარმოუდგენელი გრძნობაა” – აცხადებს რონალდუ, რომელმაც აწ უკვე დასრულებულ სეზონში “მანჩესტერ იუნაიტედთან” ერთად ინგლისის ჩემპიონობა და ჩემპიონთა ლიგაში გამარჯვება იზეიმა. ამავდროულად, პორტუგალიელი ფეხბურთელი 31 გოლით პრემიერლიგის საუკეთესო ბომბარდირი გახდა და ინგლისში სეზონის საუკეთესო მოთამაშედაც აღიარეს ... კითხვის გაგრძელება »

იტალიის ფეხბურთელთა ეროვნული ნაკრების ყოფილი თავკაცი მარჩელო ლიპი, შესაძლოა, უახლოეს დღეებში “ჩელსის” მთავარი მწვრთნელის თანამდებობაზე დაინიშნოს.
როგორც ბრიტანული გამოცემა The Daily Mirror-ი იტყობინება, 60 წლის იტალიელი სპეციალისტი უმთავრეს კანდიდატად მიიჩნევა აბრაამ გრანტის ადგილზე, რომელიც “არისტოკრატთა” ხელმძღვანელობამ გუშინ გაათავისუფლა დაკავებული თანამდებობიდან.
მარჩელო ლიპი, რომელმაც მსოფლიოს 2006 წლის ჩემპიონატის მოგების შემდეგ იტალიის ნაკრები დატოვა, ტელეკომპანია Sky Sport-ის კომენტატორად მუშაობს.
“ჩელსის” მთავარი მწვრთნელის თანამდებობაზე, ლიპის გარდა, კანდიდატებად ფრანკ რაიკაარდი და რობერტო მანჩინი სახელდებიან, თუმცა, Gazzetta dello Sport-ის ინფორმაციით, ამ უკანასკნელთან შესაძლო თანამშრომლობის შესახებ ცნობა ლონდონური კლუბის ხელმძღვანელობამ უარყო.

ლონდონის “ჩელსის” აღმასრულებელი დირექტორ პიტერ კენიონის განცხადებით, კლუბის ხელმძღვანელობა, ზაფხულის სატრანსფერო პერიოდში, შემადგენლობის გასაძლიერებლად სოლიდურ თანხას გამოჰყოფს.
ამის შესახებ, Sky Sports-ი იტყობინება.
“ზაფხულში გუნდში რამდენიმე ახალი ფეხბურთელი გამოჩნდება. თუმცა ჩვენ, ხარისხის თვალსაზრისით, სატრანსფერო ბაზრის მეტად ვიწრო სექტორს ვიკვლევთ და სიმართლე იქნება ვთქვა, რომ ფეხბურთელთა არცთუ დიდ წრეს განვიხილავთ. “ჩელსი” ეძებს მოთამაშეებს, რომლებსაც ვარსკვლავებად ჩამოყალიბების პოტენციალი აქვთ. როცა ჩვენს გუნდში მყოფ ფეხბურთელებს გადახედავ, მათზე უკეთესის პოვნა იოლი ნამდვილად არ არის. ბოლო სეზონმა დაამტკიცა, რომ ჩვენი შემადგენლობა ერთ-ერთი საუკეთესოა. ამიტომ, საუბარია ზუსტ მშენებლობაზე და არა გარდაქმნაზე. დარწმუნებულნი ვართ, რომ გუნდის ლიდერების შენარჩუნებას შევძელებთ”, – აცხადებს კენიონი.
ბრიტანული პრეს ... კითხვის გაგრძელება »

ინგლისის “ჩელსის” ხელმძღვანელობამ, გუნდის მთავარი მწვრთნელი აბრაამ გრანტი, დაკავებული თანამდებობიდან ოფიციალურად დაითხოვა. როგორც კლუბის ოფიციალური საიტი იუწყება, ასეთი გადაწყვეტილება კლუბის დირექტორთა საბჭოს სხდომაზე იქნა მიღებული. “ჩვენ მადლობას ვუხდით აბრაამ გრანტს იმ ყველაფრისათვის, რაც მან სექტემბრის თვიდან მოყოლებული, ანუ თავისი მოსვლის დღიდან გააკეთა“ჩელსისათვის”. ახლა ჩვენ ახალი მწვრთნელის მოძიებაზე ვართ კონცეტრირებულნი და ამ საკითხის გარშემო, არანაირ კომენტარს არ გავაკეთებთ მანამ, სანამ ეს საკითხი საბოლოოდ არ გადაწყდება”, – წერია ოფიციალურ განცხადებაში