საქართველოს ეროვნული ნაკრების ყველა დროის საუკეთესო ბომბარდირმა, გამორჩეულმა ქართველმა ფეხბურთელმა შოთა არველაძემ, წარმატებული კარიერა დაასრულა. ეროვნულ სტადიონზე, შოთამ ბოლოჯერ მოირგო ეროვნული ნაკრების ნომერი 11 მაისური, რომელიც ქვეყნის პირველ გუნდში გამოჩენიდან დღემდე ამაყად ატარა და ამიერიდან, მისი საკუთრებაა - ქართული ფეხბურთის განვითარებაში შეტანილი წვლილისთვის, ფეხბურთის ფედერაციის გადაწყვეტილებით, ნომერი 11-ით, საქართველოს ნაკრებში აღარავინ ითამაშებს, იგი შოთას, ფეხბურთთან გამოსათხოვარი მატჩის წინ, სამუდამოდ გადაეცა. შოთა არველაძის დიდი ფეხბურთიდან გაცილების მატჩიც, რომელშიც ერთმანეთს საქართველოს ნაკრები და შოთა არველაძის მეგობრები დაუპირისპირდნენ, მრისხანე ბომბარდირისთვის შესაფერისი გამოდგა _ ემოცია, ტაში, ცრემლები, სიხარული, ლამაზი გადაცემები, ოსტატობის დემონსტირება და გოლები, გოლები, გოლები... ბორის პაიჭაძის სახელობის სტადიონზე შეკრებილმა მაყურებელმა 15 გოლი იხილა, შოთას მეგობრებმა, საქართველოს ნაკრები 9:6 დაამარცხეს, მაგრამ ამჯერად, მაყურებელი, ალბათ, უკმაყოფილო არ დარჩენილა. მატჩის ბოლო წუთზე კი, მოედანზე უფროსი და უმცროსი არველაძეები ერთად გამოჩდნენ და შეხვედრის ბოლო გოლიც მომავალი თაობისა გამოდგა, რაც დღევანდელი ქართული ფეხბურთის მძიმე მდგომარეობით შეჭირვებულებს იმის იმედს გვაძლევს, რომ საქართველოში კიდევ დაიზრდებიან არველაძეები, კიდევ დაიზრდებიან დიდი ფეხბურთელები. მადლობა შოთა, ლამაზი კარიერისთვის, ლამაზი წუთებისთვის, ლამაზი გოლებისთვის, იმედისთვის! წარმატებები იყოს შენი თანმდევი ცხოვრების ახალ ეტაპზე!!!
საქართველო – შოთას მეგობრები 6:9 გოლები: რევაზ არველაძე, ალექსანდრე იაშვილი (2), შოთა არველაძე (2), გიორგი არველაძე (შოთას ვაჟი) – მიქაელ ლაუდრუპი, შოთა არველაძე, ბრაიან ლაუდრუპი, დენი ლანძაატი, კენეტ პერესი, ტიჯანი ბაბანგიდა, დანი კოვერმანსი (2), დამიანო ტომაზი. საქართველოს ნაკრები: ნიკა ჩხეიძე, კახა კალაძე, კახა ცხადაძე, მურთაზ შელია, გიორგი ნემსაძე, მიხეილ ყაველაშვილი, გოჩა ჯამარაული, რევაზ არველაძე, გიორგი ქინქლაძე, თემურ ქეცბაია, არჩილ არველაძე, ირაკლი ზოიძე, ზურაბ ხიზანიშვილი, ლევან კობიაშვილი, ოთარ ხიზანეიშვილი, გოგა გახოკიძე, ლევან ცქიტიშვილი, მალხაზ ასათიანი, ალექსანდრე იაშვილი, ზაქარია ბეგლარიშვილი, გიორგი ლომაია, გელა ინალიშვილი, გიორგი ჩიხრაძე, კახი გოგიჩაიშვილი, გოჩა ტყებუჩავა, გიორგი ღუდუშაური, რატი ალექსიძე, გიორგი ანჩაბაძე, შოთა არველაძე. მწვრთნელები: ალექსანდრე ჩივაძე, რევაზ ძოძუაშვილი და მურთაზ ხურცილავა. შოთას მეგობრების ნაკრები: ფრედ გრიმი, აარონ ვინტერი, დენი ბლინდი, ფრენკ დე ბური, არტურ ნუმანი, რონალდ დე ბური, რიხარდ ვიჩხე, მიქაელ ლაუდრუპი, შოთა არველაძე, ანდრეი კანჩელსკისი, ბრაიან ლაუდრუპი, ხალიდ სინუ, დენი ლანძაატი, ოგიუნი, თოლუნაი, სტივ შხაარსი, კენეტ პერესი, მიხაელ მოლსი, ტიჯანი ბაბანგიდა, დანი კოვერმანსი, დინ გორე, დამიანო ტომაზი. მწვრთნელი: ლუის ვან გაალი
კატეგორია: საქართველო |
ნანახია: 1100 |
დაამატა: bera
| რეიტინგი: 0.0/0 |
საქართველოს ეროვნული ნაკრების ყველა დროის საუკეთესო ბომბარდირმა, გამორჩეულმა ქართველმა ფეხბურთელმა შოთა არველაძემ, წარმატებული კარიერა დაასრულა. 
Euro Cup Soccer 2008
