ფეხბურთის მსოფლიო მმართველი ორგანიზაციის (ფიფა) მიერ გამოქვეყნებული ეროვნული გუნდების ივნისის რეიტინგში, საქართველოს ნაკრებმა მაისის თვესთან შედარებით მდგომარეობა ერთი პოზიციით გაიუმჯობესა და 383 ქულით მე-80 ადგილზეა.

”ჯვაროსნების“ მეტოქეები 2010 წლის მსოფლიო ჩემპიონატის შესარჩევ ჯგუფში, იტალია 1414 მესამე ადგილზეა, ბულგარეთი მეთვრამეტეა (949), შემდეგ მოდიან: 42 (41). ირლანდია - 674; 64 (61). კვიპროსი - 503; და 142 (150). ჩერნოგორია - 180.

ფიფას რეიტინგს კვლავინდებურად არგენტინა ლიდერობს, მეორეზე - ბრაზილიაა, ხოლო მესამეზე - მსოფლიოს მოქმედი ჩემპიონი იტალიის ნაკრებია.

ფიფას რეიტინგში ეროვნული ნაკრებების საუკეთესო ოცეული ასე გამოიყურება:
1 (1). არგენტინა - 1559 ქულა; 2 (2). ბრაზილია - 1513; 3 (3). იტალია - 1414; 4 (4). ესპანეთი - 1303; 5 (5). გერმანია - 1274; 6 (6). ჩეხეთი - 1246; 7 (7). საფრანგეთი - 1143; 8 (8). საბერძნეთი - 1133; 9 (11). ... კითხვის გაგრძელება »

იტალიის ფეხბურთელთა ეროვნული ნაკრების მეკარე მარკო ამელია, რომელმაც გასული სეზონი სერია ბ-ში დაქვეითებულ “ლივორნოში” გაატარა, კარიერას “პალერმოში” გააგრძელებს.
ამის შესახებ, საფეხბურთო ინტერნეტ-გამოცემა Goal-ი იუწყება.
ამელიას სანაცვლოდ, სიციელიელები “ლივორნოს” 5,5 მილიონ ევროს გადაუხდიან.
იტალიელი მეკარის მიმართ ინტერესს მიუნხენის “ბაიერნი”, მადრიდის “ატლეტიკო” და სერია ა-ს რამდენიმე კლუბი იჩენდა, მაგრამ ექს-ლივორონოელმა არჩევანი “პალერმოზე” შეაჩერა.
აღსანიშნავია, რომ უახლოეს დღეებში, სიცილიელებს “ლივორნოს” კიდევ ერთი ფეხბურთელი - შემტევი ნახევარმცველი ალესანდრო დიამანტი შეემატებათ - “პალერმოს” სპორტული დირექტორი ფოსკი, მისი ტრანსფერის თაობაზე, ლიგურიელებს უკვე მოურიგდა.

უეფა-ს გადაწყვეტილებამ, ევროთასებიდან “პორტუს” მოკვეთის შესახებ, პორტუგალიის ჩემპიონი უმძიმეს მდგომარეობაში ჩააყენა.
როგორც პორტუგალიური გამოცემა A Bola იტყობინება, ადგილობრივი საფინანსო სპეციალისტების გამოთვლით, კლუბის ზარალი 40 მილიონ ევროს გადააჭარბებს. აღნიშნულ თანახაში შედის უეფა-ს საპროზო თანხა, სატელევიზიო უფლებების, ბილეთებისა და ატრიბუტიკის გაყიდვით მიღებული შემოსავალი და თანხები სპონსორებისგან. გარდა ამისა, გამოცემის ინფორმაციით, “პორტუს” ყველა ლიდერი დატოვებს, რომელთაც სეზონის გატარება ევროპული მატჩების გარეშე არ სურთ. ამავდროულად, სიტუაციის გათვალისწინებით, კლუბს მოთამაშეებთან კომპრომისზე წასვლა მოუწევს და მათი ტრანსფერებით სასურველ თანხებსაც ვერ მიიღებს. პორტუგალიური საინფორმაციო საშუალებების ცნობით, “პორტუს”, ზაფხულის სატრანსფერო პერიოდში, ლისანდრო ლოპესი, ლუჩო გონსალესი, ბრუნო ალვეში და რიკარდო კვარეშმა გამოეთხოვებიან. რა შედეგს მოუტანს კლუბს ერთბა ... კითხვის გაგრძელება »

იტალიის ნაკრების კაპიტანი ფაბიო კანავარო, რომელმაც ევროპის 2008 წლის ჩემპიონატის მზადების პროცესში, ერთ-ერთი ვარჯიშისას, ტერფის ტრავმა მიიღო და საოპერაციო შეიქნა, მინდორს 3 თვეში დაუბრუნდება.
ამის სესახებ, იტალიური სააგენტო АНСА, ვენაში გამართულ პრეს-კონფერენციაზე დაყრდნობით იუწყება.
კანავაროს, იტალიის ნაკრების ექიმებმა ოპერაცია გუშინ, ვენის კლინიკა Wiener PrivatKlinik-ში ჩაუტარეს. ოპერაცია 30 წუთი გაგრძელდა. ფეხბურთელმა განაცხადა, რომ თავს კარგად გრძნობს და 3 თვეში მოედანზე დაბრუნებას გეგმავს.
“განვაგრძობ კარიერას, რომელიც აღსავსე იქნება გამარჯვებებით და

იტალიის ეროვნული გუნდის მთავარმა მწვრთნელმა რობერტო დონადონიმ ნაკრებთან კონტრაქტი ორი წლით გააგრძელა.
ფიფა-ს ოფიციალური ვებ-გვერდის ცნობით, დონადონიმ “სკუადრა აძურასთან” ახალი ხელშეკრულების დეტალები ჯერ კიდევ 20 მაისს შეათანხმა, თუმცა, გადაწყვეტილება 2008 წლის ევროპის ჩემპიონატის დაწყებამდე სამი დღით ადრეღა გაახმაურა.

ამსტერდამის “აიაქსის” ხელმძღვანელობამ, მომავალი სეზონის წინ, გუნდიდან 5 ფეხბურთელი დაითხოვა.
ამის შესახებ, ბრიტანული სპორტული ინტერნეტ-გამოცემა Sportinglife იუწყება.
ჰოლანდიური კლუბის რიგებს 25 წლის ლეონარდო დატოვებს, რომელიც მუხლის ტრავმის გამო დიდი ხანი მკურნალობდა და “აიაქსში” ფეხის მოკიდება ვერ შეძლო.
მის გარდა, ამსტერდამელები 30 წლის თავდამსხმელს, ალბერტ ლუკეს დაემშვიდობნენ, რომელსაც, მართალია, კლუბთან ორწლიანი კონტრაქტი აკავშირებს, მაგრამ ახალი გუნდის მოძებნა მაინც მოუწევს.
მათ გარდა, “აიაქსს” სომეხი ედგარ მანჩუარიანი, რუმინელი ნიკოლაე მიტია და ჰოლანდიელი რობერტ შილდერი დატოვებენ, რომლებიც თავისუფალი აგენტები არიან.

ინგლისის “მანჩესტერ სიტის” აღმასრულებელმა დირექტორმა გარი კუკმა, გუნდის ახალი მთავარი მწვრთნელი, უელსელი მარკ ჰიუზი, ოფიციალურად წარადგინა.
ამის შესახებ, საფეხბურთო კლუბ “მანჩესტერ სიტის” ოფიციალური ვებ-გვერდი იუწყება.
“კლუბს დიდი ამბიციები აქვს. ხელმძღვანელობას იმედი აქვს, რომ ინგლისის ჩემპიონატსა და ევროტურნირებზე, მაღალი მიზნებისთვის ვიბრძოლებთ. თუმცა, ამისთვის შემადგენლობის გაძლიერება გვჭირდება და ამ მიმართულებით ვმუშაობთ. მსურს მადლობა გადავუხადო “ბლექბერნის” ხელმძღვანელობას, რომელიც ჩემს გაშვებას დათანხმდა. მინდა ვთქვა, რომ ამ გუნდში საუცხოო წლები გავატარე”, – განაცხადა ჰიუზმა.
1999-2004 წლებში, ჰიუზი უელსის ეროვნული ნაკრების მთავარი მწვრთნელი იყო, ხოლო 2004-2008 წლებში, იგი “ბლექბერნ როვერსს” თავკაცობდა.
გასულ სეზონში, “ბლექბერნმა” ინგლისის პრემიერლიგაში მე-7 ადგილი დაიკავა, “მანჩესტერ სიტი” კი მე-9 იყო.

ინგლისის “მანჩესტერ სიტის” მფლობელმა ტაქსინ შინავატრამ დაადასტურა, რომ ესპანური “ბარსელონას” ბრაზილიელ გამთამაშებელ რონალდინიოს შეძენითაა დაინტერესებული.
ტაილანდის ყოფილმა პრემიერ-მინისტრმა შინავატრამ, Daily Mail-ს ისიც განუცხადა, რომ 28 წლის ფეხბურთელის საფეხბურთო აგენტს, ამ საკითხზე უკვე ესაუბრა.
“ის უდიდესი ფეხბურთელია. მისი მოწვევით არეფერს ვრისკავთ, რადგანაც, სპონსორები მზად არიან, ფეხბურთელის ტრანსფერის და ხელფასისთვის საჭირო თანხა გამოგვიყონ. მე მის აგენტს შევხვდი. მან მითხრა, რომ რონალდინიოს ატმოსფეროს შეცვლა სჭირდება. ბრაზილიელს, საკუთარი თავის გამოცდა ახალ ადგილზე სჭირდება, ოცნებობს, დაიბრუნოს ის დღეები, როდესაც მისით მთელი საფეხბურთო სამყარო აღფრთოვანებული იყო”, – თქვა შინავატრამ.

ბელარუსიის ფეხბურთელთა ეროვნული ნაკრებისა და ლონდონის “არსენალის” ნახევარმცველ ალექსანდრ გლების საფეხბურთო აგენტი ვიჩენცო მორაბიტო ამბობს, რომ მისი კლიენტი, ესპანურ “ბარსელონასთან” კონტრაქტის გაფორმებასთან ახლოსაა.
მორაბიტომ Marca-სთვის მიცემულ ინტერვიუში განაცხადა, რომ თავად ფეხბურთელს, კარიერის გაგრძელება იტალიის სერია A-ში სურდა და მილანის “ინტერთან” კონტრაქტის გაფორმებაც შეეძლო, მაგრამ, მას შემდეგ, რაც იტალიური კლუბის მთავარ მწვრთნელად პორტუგალიელი ჟოზე მაურინიო დაინიშნა, ის იტალიის ჩემპიონი გუნდის სატრანსფერო სიიდან ამოვარდა.
“გლების “ბარსელონაში” გადასვლის საკითხი თითქმის გადაწყვეტილია. ალექსანდრს “ინტერში” გადასვლა ძალიან სურდა, მაგრამ ჟოზე მაურინიო მისი კანდიდატურით აღარ ინტერესდება”, – აღნიშნა ვიჩენცო მორაბიტომ.

ესპანური “ხეტაფეს” მთავარი მწვრთნელის თანამდებობაზე, რომელიც სეზონის ბოლოს გუნდიდან მიქაელ ლაუდრუპის წასვლის შემდეგ გახდა ვაკატნური, შესაძლოა, “მილანის” ვეტერანი მცველი, ალესანდრო კოსტატურტა დაინიშნოს.
ამის შესახებ, ესპანური გამოცემა Marca იტყობინება.
ესპანური კლუბის სპორტული დირექტორი ტონი მუნიოსი, რომელსაც “ხეტაფეს” პრეზიდენტმა ანხელ ტორესმა, ახალი მწვრთნელის მოსაძებნად 15 დღე მისცა, სერიოზულად არის დაინტერესებული 42 წლის კოსტაკურტას კანდიდატურით და რჩევა ცნობილ იტალიელ სპეციალისტს, არიგო საკისაც სთხოვა, რომელმაც ყოფილ შეგირდს რეკომენდაცია გაუწია. ახლა, ყველაფერი თავად დამწყები მწვრთნელის გადაწტვეტილებაზეა დამოკიდებული, რომელმაც ოჯახის წევრებთან კონსულტაციის გასავლელად, ესპანელებისგან რამდენიმე დღე ითხოვა.

უეფა-ს მიერ ევროტურნირებიდან მოკვეთილი “პორტუს” ნაცვლად, ჩემპიონთა ლიგის 2008/2009 წლების სეზონის გათამაშების ჯგუფურ ეტაპზე პორტუგალიიდან “გიმარაეში” იასპარეზებს, რომელმაც ეროვნულ ჩემპიონატში მესამე ადგილი დაიკავა და ევროპის ყველაზე პრესტიჟულ საკლუბო ტურნირში გამოსვლა, მესამე საკვალიფიკაციო ეტაპიდან უნდა დაეწყო.
ამის შესახებ, ინტერენტ-გამოცემა “სპორტ-ექსპრესი” იტყობინება.
პორტუგალიიდან, ჩემპიონთა ლიგაში, “სპორტინგისა” და “გიმარაეშის” გარდა, მესამე ვაკანსიას “ბენფიკა” მიიღებს. პორტუგალიის ჩემპიონატში მეოთხე ადგილზე გასული ლისაბონელები, ჩემპიონთა ლიგაში მესამე საკვალიფიკაცი ეტაპიდან ჩაებმებიან. უეფა-ს საკლუბო რეიტინგის გათვალისწინებით, “ბენფიკამ” ტურნირის მესამე საკვალიფიკაციო ეტაპზე განთესილი კლუბის სტატუსი ჩამოართვა რუსულ “სპარტაკს”.
ამრიგად, ჩემპიონთა ლიგის მესამე საკვალიფიკაციო ეტაპზე განთესილ კლუბებს შორის არიან: “ბარსელონა”, “არსენალი”, “შალკე”, “იუვ ... კითხვის გაგრძელება »

პორტუგალიის ფეხბურთელთა ეროვნული ნაკრებისა და ინგლისის “მანჩესტერ იუნაიტედის” შემტევმა ნახევარმცველმა კრიშტიანუ რონალდუმ, მადრიდის “რეალში” გადასვლის გადაწყვეტილება მიიღო.
ამის შესახებ, ესპანური სპორტული გამოცემა Marca  იუწყება.
აღნიშნული გამოცემის ინფორმაციით, პორტუგალიელმა საკუთარ ოჯახს, მეგობრებს და მანჩესტერელთა ხელმძღვანელობას, თავისი გადაწყვეტილება უკვე გააცნო.
აღსანიშნავია, რომ პორტუგალიის ეროვნული გუნდის ხელმძღვანელობამ, 2008 წლის ევროპის ჩემპიონატის პირველ ოფიციალურ მატჩამდე, რონალდუს, მისი მომავალი კარიერის თაობაზე განცხადებების გაკეთებისგან თავის შეკავება სთხოვა.

საქართველოს ეროვნული ნაკრების ყველა დროის საუკეთესო ბომბარდირმა, გამორჩეულმა ქართველმა ფეხბურთელმა შოთა არველაძემ, წარმატებული კარიერა დაასრულა.
ეროვნულ სტადიონზე, შოთამ ბოლოჯერ მოირგო ეროვნული ნაკრების ნომერი 11 მაისური, რომელიც ქვეყნის პირველ გუნდში გამოჩენიდან დღემდე ამაყად ატარა და ამიერიდან, მისი საკუთრებაა - ქართული ფეხბურთის განვითარებაში შეტანილი წვლილისთვის, ფეხბურთის ფედერაციის გადაწყვეტილებით, ნომერი 11-ით, საქართველოს ნაკრებში აღარავინ ითამაშებს, იგი შოთას, ფეხბურთთან გამოსათხოვარი მატჩის წინ, სამუდამოდ გადაეცა.
შოთა არველაძის დიდი ფეხბურთიდან გაცილების მატჩიც, რომელშიც ერთმანეთს საქართველოს ნაკრები და შოთა არველაძის მეგობრები დაუპირისპირდნენ, მრისხანე ბომბარდირისთვის შესაფერისი გამოდგა _ ემოცია, ტაში, ცრემლები, სიხარული, ლამაზი გადაცემები, ოსტატობის დემონსტირება და გოლები, გოლები, გოლები... ბორის პაიჭაძის სახელობის სტადიონზე შეკრებილმა მაყურ ... კითხვის გაგრძელება »