მთავარი » 2008»ივნისი»5 » ჩემპიონთა ლიგაში, “პორტუს” ადგილს “გიმარაეში” დაიკავებს
ჩემპიონთა ლიგაში, “პორტუს” ადგილს “გიმარაეში” დაიკავებს
17:46
უეფა-ს მიერ ევროტურნირებიდან მოკვეთილი “პორტუს” ნაცვლად, ჩემპიონთა ლიგის 2008/2009 წლების სეზონის გათამაშების ჯგუფურ ეტაპზე პორტუგალიიდან “გიმარაეში” იასპარეზებს, რომელმაც ეროვნულ ჩემპიონატში მესამე ადგილი დაიკავა და ევროპის ყველაზე პრესტიჟულ საკლუბო ტურნირში გამოსვლა, მესამე საკვალიფიკაციო ეტაპიდან უნდა დაეწყო. ამის შესახებ, ინტერენტ-გამოცემა “სპორტ-ექსპრესი” იტყობინება. პორტუგალიიდან, ჩემპიონთა ლიგაში, “სპორტინგისა” და “გიმარაეშის” გარდა, მესამე ვაკანსიას “ბენფიკა” მიიღებს. პორტუგალიის ჩემპიონატში მეოთხე ადგილზე გასული ლისაბონელები, ჩემპიონთა ლიგაში მესამე საკვალიფიკაცი ეტაპიდან ჩაებმებიან. უეფა-ს საკლუბო რეიტინგის გათვალისწინებით, “ბენფიკამ” ტურნირის მესამე საკვალიფიკაციო ეტაპზე განთესილი კლუბის სტატუსი ჩამოართვა რუსულ “სპარტაკს”. ამრიგად, ჩემპიონთა ლიგის მესამე საკვალიფიკაციო ეტაპზე განთესილ კლუბებს შორის არიან: “ბარსელონა”, “არსენალი”, “შალკე”, “იუვენტუსი”, “რეინჯერსი”, “მარსელი”, “სტიაუა”, “პანათინაიკოსი”, “ფენერბახჩე”, “შახტარი”, “ანდერლეხტი”, “ბენფიკა”, “ფიორენტინა”. ევროტუნირებიდან პორტუგალიის ჩემპიონ “პორტუს” მოკვეთის თაობაზე გადაწყვეტილება, უეფა-მ გუშინ მიიღო, მას შემდეგ, რაც კლუბის მიერ 2004 წელს ეროვნულ ჩემპიონატში მსაჯების მოსყიდვის დამამტკიცებელი მასალები შეისწავლა.
კატეგორია: სხვადასხვა |
ნანახია: 1035 |
დაამატა: bera
| რეიტინგი: 0.0/0 |
უეფა-ს მიერ ევროტურნირებიდან მოკვეთილი “პორტუს” ნაცვლად, ჩემპიონთა ლიგის 2008/2009 წლების სეზონის გათამაშების ჯგუფურ ეტაპზე პორტუგალიიდან “გიმარაეში” იასპარეზებს, რომელმაც ეროვნულ ჩემპიონატში მესამე ადგილი დაიკავა და ევროპის ყველაზე პრესტიჟულ საკლუბო ტურნირში გამოსვლა, მესამე საკვალიფიკაციო ეტაპიდან უნდა დაეწყო. 
Euro Cup Soccer 2008
