ჟურნალისტთან საუბარში ტორესმა აღნიშნა, რომ ინგლისში რეალურად ორი კარგი მეკარე თამაშობს - პეტრ ჩეხი და ედვინ ვან დერ სარი. მცველებიდან კი მხოლოდ პორტუგალიელი რიკარდუ კარვალიუ გამოარჩია.
ინგლისელებს რომ მეკარეები არ უვარგათ, ტორესის გარეშეც იყო ცნობილი, თუმცა თავად ბრიტანელები ამის აღიარებას ერიდებოდნენ. ტორესმა კი ინგლისელებს მწარე სიმართლე უთხრა.
"ინგლისში მეკარეები კარს დროზე ადრე ტოვებენ, რაც ფორვარდს საქმეს უიოლებს. მხოლოდ ორ მეკარეს გამოვარჩევდი - ედვინ ვან დერ სარს და პეტრ ჩეხს. როდესაც მათ წინააღმდეგ ვთამაშობ, გოლის გატანა ყოველთვის მიჭირს. ორივე ბოლომდე ფეხზე დგას და ელოდება, თუ რას იზამს ფორვარდი და მხოლოდ ამის შემდეგ იღებენ გადაწყვეტილებას. დანარჩენი მეკარეები კი გამოვარდებიან წინ, დაწვებიან და ჰგონიათ, რომ ასე შემიშლიან ხელს. როდესაც მეკარე ასე იქცევა, ფორვარდისთვის გოლის გატანა ძალზე ადვილია.
რაც შეეხება მცველებს, მათი უმეტესობა მაღლები არიან და ძალისმიერ ფეხბურთს თამაშობენ. ალბათ ამიტომ ჩემს წინააღმდეგ მუდამ პრობლემები აქვთ. კი ბატონო, მეორე სართულზე თამაში იციან, მაგრამ საკმარისია რამდენიმე ფინტი გავაკეთო და მცველმა უკვე არ იცის რას აკეთებს. ეს არის იმის მიზეზი, რომ ინგლისურ პრემიერლიგაში ბევრი გოლი გადის. მცველებიდან რიკი კარვალიუს გამოვყოფდი. უჭკვიანესი ფეხბურთელია და მის წინააღმდეგ თამაში ძალიან ძნელია", - აცხადებს ფერნანდო ტორესი.
ცხადია, ბრიტანელთათვის ტორესის ასეთი შეფასება სასიამოვნო არ უნდა იყოს. ამიტომაც ვივარაუდეთ, რომ ესპანელ ფორვარდს ნომერ პირველ მტრად შერაცხავენ, თუმცა, მეორე მხრივ, ძნელია არ დაეთანხმო ფერნანდო ტორესს. ის, რომ ინგლისის ნაკრები ევროპის ჩემპიონატს მიღმა დარჩა, ხომ სწორედ ინგლისელი მეკარეების სინდისზეა.
კატეგორია: პრემიერ ლიგა |
ნანახია: 1129 |
დაამატა: bera
| რეიტინგი: 0.0/0 |
ჟურნალისტთან საუბარში ტორესმა აღნიშნა, რომ ინგლისში რეალურად ორი კარგი მეკარე თამაშობს - პეტრ ჩეხი და ედვინ ვან დერ სარი. მცველებიდან კი მხოლოდ პორტუგალიელი რიკარდუ კარვალიუ გამოარჩია.
Euro Cup Soccer 2008
