საფრანგეთის ფეხბურთელთა ეროვნული ნაკრების მთავარ მწვრთნელ რაიმონ დომენეკს ევროპის 2008 წლის ჩემპიონატის პირველ შეხვედრაში რუმინეთის წინააღმდეგ გუნდის გაყვანა, შესაძლოა, ლიდერების - ტიერი ანრის, ფრანკ რიბერისა და პატრიკ ვიეირას გარეშე მოუწიოს. როგორც სააგენტო Reuters-ი იტყობინება, რიბერისა და ანრის, შვეიცარიაში გამართული პირველი ვარჯიშის ნაადრევად დატოვება მოუხდათ. “ბაიერნის” ნახევარმცველს კოლუმბიის ნაკრებთან ამხანაგურ მატჩში მიღებულმა ტრავმამ შეახსენა თავი, ხოლო “ბარსელონას” ფორვარდს ნერვის გაციების გამო შეექმნა პრობლემა. ამგვარად, ტურნირის სასტარტო მატჩში ორივე მოთამაშის მოედანზე გასვლა კითხვის ნიშნის ქვეშ დგას, ისევე როგორც პატრიკ ვიეირას, რომელმაც მართალია, გუშინ გუნდთან ერთად პირველად ივარჯიშა, თუმცა, “სამფეროვანთა” სამედიცინო შტაბი, ჯერჯერობით, დასკვნებისგან თავს იკავებს. საფრანგეთისა და რუმინეთის ნაკრებთა შეხვედრა 9 ივნისს, ციურიხში, სტადიონ “ლეტციგრუნდზე” გაიმართება. ჩ ჯგუფში ამ ორი გუნდის გარდა, იტალიისა და ჰოლანდიის ნაკრებები გამოდიან, რომლებიც ამავე დღეს ბერნში, “სტად დე სუის”-ზე დაუპირისპირდებიან ერთმანეთს.
კატეგორია: სხვადასხვა |
ნანახია: 1344 |
დაამატა: bera
| რეიტინგი: 4.5/2 |
საფრანგეთის ფეხბურთელთა ეროვნული ნაკრების მთავარ მწვრთნელ რაიმონ დომენეკს ევროპის 2008 წლის ჩემპიონატის პირველ შეხვედრაში რუმინეთის წინააღმდეგ გუნდის გაყვანა, შესაძლოა, ლიდერების - ტიერი ანრის, ფრანკ რიბერისა და პატრიკ ვიეირას გარეშე მოუწიოს. 
Euro Cup Soccer 2008
