ფრანგული “ლიონის" თავდამსხმელი კარიმ ბენზემა, შესაძლოა, მომავალი სეზონიდან ინგლისის პრემიერლიგის კლუბ ლონდონის “არსენალში" გადაბარგდეს. ფრანგული გამოცემები იუწყებიან, რომ “ლიონი" დაინტერესებულია “არსენალის" 22 წლის ნახევარმცველ ლასანა დიარას გადაბირებით და მას ფაბიო სანტოსის შემცვლელად მიიჩნევს, რომელიც სეზონის მიწურულს ფრანგულ კლუბს დატოვებს. სწორედ ამ ფაქტზე დაყრდნობით, ფრანგული ინტერნეტ-გამოცემები ვარაუდობენ, რომ “არსენალის” თვალთახედვის არეში მყოფი ბენზემა ინგლისურ კლუბში გადაბარგდება, სანაცვლოდ კი დიარა “ლიონს” შეუერთდება.
Euro Cup Soccer 2008
