მსოფლიოს ფეხბურთის მმართველმა ორგანიზაციამ (FIFA), მაღალმთიან რეგიონებში საერთაშორისო მატჩების გამართვაზე დაწესებული აკრძალვა დროებით გააუქმა.
ამის შესახებ, სააგენტო AP-ი იტყობინება.
ფიფა-ს გადაწყვეტილებას, ზღვის დონიდან 2500 მეტრზე მაღლა მდებარე სტადიონებზე საერთაშორისო მატჩების აკრძალვის შესახებ, არაერთი საპროტესტო აქცია მოჰყვა. განსაკუთრებით, სამხრეთ ამერიკული ქვეყნების მხრიდან გამოითქვა უკმაყოფილება. კერძოდ, ბოლივიაში ზღვის დონიდან 3000 მეტრზე ჩატარდა საჩვენებელი მატჩი, რომელშიც ქვეყნის პრეზიდენტმა ევო მორალესმა და ლეგენრადულმა არგენტინელმა ფეხბურთელმა დიეგო მარადონამ მიიღეს მონაწილეობა. გარდა ამისა, ფიფა-ს მისამართით მუდმივად იგზავნებოდა აპელაციები გავლენიან მაღალჩინოსანთა მხრიდან. საბოლოოდ, ფიფა-ს პრეზიდენტმა იოზეფ ბლატერმა, ორგანიზაციის ინიციატივით უკმაყოფილო ქვეყნებს, მაღალმთიან რეგიონებში მსოფლიოს 2010 წლის ჩემპიონატის შესარჩევი მატჩების გამართვის ნე ... კითხვის გაგრძელება »

Kicker”-ის მიერ ჩატარებული გამოკითხვის შედეგად ბუნდესლიგის 2007-08 წლების სეზონის საუკეთესო მოთამაშედ მიუნხენის “ბაიერნისა” და საფრანგეთის ნაკრების ნახევარმცველი ფრენკ რიბერი დასახელდა.
ჟურნალის მკითხველს საუკეთესო 268 ფეხბურთელს შორის უნდა აერჩია.
რიბერის, რომელიც მიუნხენურ კლუბში შარშან მარსელის “ოლიმპიკიდან” გადავიდა და მის შემადგენლობაში გერმანიის პირველობაზე, თასსა და უეფას თასზე ჩატარებულ 44 (28-11-5) მატჩში 16  (11-3-2) გოლი გაიტანა და 19 (8-7-4) საგოლე პასი გააკეთა, ხმათა 57,8 პროცენტი ერგო.
მეორე ადგილზე რიბერის იტალიელი თანაგუნდელი, 24 გოლით სეზონის მთავარმეგოლე ლუკა ტონი გავიდა – 24,8%, ხოლო მესამეზე ბრემენის “ვერდერის” ბრაზილიელი ნახევარმცველი დიეგო – 8,5%.
სეზონის საუკეთესო მეკარედ მკითხველმა ლევერკუზენის “ბაიერის” მეკარე რენე ადლერი მიიჩნია – 40,7%, მეორე ადგილი “ჰანოვერის” კარის დარაჯმა რობერტ ენკემ დაიკავა – 21,1%, ხოლო “ბაიერნელ ... კითხვის გაგრძელება »

მადრიდული კლუბისა და პორტუგალიის ნაციონალური ნაკრების მცველი აცხადებს, რომ მას “რეალში” ნაკრების პარტნიორის – რონალდუს ნახვა სურს.

“კრიშტიანუს ყოლა პარტნიორის როლში უკეთესია, ვიდრე მოწინააღმდეგის, - უთხრა პეპემ ესპანურ გაზეთ AS–ს. - ძალიან მინდა, რომ ის ჩემი პარტნიორი არამარტო ნაკრებით, არამედ კლუბითაც გახდეს”.

როგორც ხედავთ, ესპანეთში კრიშტიანუს შესაძლო ტრანსფერზე საუბარი წუთითაც არ წყდება. ადგილობრივი გაზეთები ამ თემის გავრცობას აგრძელებენ, ხოლო პორტუგალიაში, ქალაქ ვიზეუში ნაკრების ვარჯიშებზე თავს ათასობით ადამიანი იყრის. შაბათს ნაკრების ვარჯიშს, პირველ რიგში კი კრიშტიანუ რონალდუს ვარჯიშს 4 000 მაყურებელი ადევნებდა თვალს.