1 Manchester United FC 38 87
2 Chelsea FC 38 85
3 Arsenal FC 38 83
4 Liverpool FC 38 76
5 Everton FC 38 65
6 Aston Villa FC 38 60
7 Blackburn Rovers FC 38 58
8 Portsmouth FC 38 57
9 Manchester City FC 38 55
10 West Ham United FC 38 49
11 Tottenham Hotspur FC 38 46
12 Newcastle United FC 38 43
13 Middlesbrough FC 38 42
14 Wigan Athletic FC 38 40
15 Sunderland AFC 38 39
16 Bolton Wanderers FC 38 37
17 Fulham FC 38 36
18 Reading FC 38 36
19 Birmingham City FC 38 35
20 Derby County FC 38 11

ინგლისის “მანჩესტერ იუნაიტედი”, ინტერესს ესპანეთის “სევილიას” თავდამსხმელ ლუიშ ფაბიანოს მიმართ იჩენს.
ამის შესახებ, ბრიტანული გამოცემა The Times იუწყება.
ინგლისელი ჟურნალისტების ინფორმაციით, მანჩესტერელებს, ბრაზილიელი ფეხბურთელი საფრანგეთის ნაკრების თავდამსხმელ ლუის საას შემცვლელად სჭირდებათ.
მიმდინარე სეზონში, ფაბიანომ, ესპანეთის პრიმერადივიზიონში ჩატარებულ 30 მატჩში 24 გოლი გაიტანა.

ინგლისის ფეხბურთელთა ეროვნული ნაკრებისა და “ნიუკასლის” ფორვარდ მაიკლ ოუენის შეძენას იაპონური J-ლიგის კლუბი “ჯეფ იუნაიტედი” აპირებს.
როგორც სააგენტო Reuters-ი იაპონურ საინფორმაციო საშუალებებზე დაყრდნობით იტყობინება, “ჯეფ იუნაიტედის” ხელმძღვანელობა უკვე დაუკავშირდა ფეხბურთელის აგენტ ტონი სტეფენსონს.
ცოტა ხნის წინ J-ლიგის კლუბის მთავარი მწვრთნელის თანაშემწედ ალექს მილერი დაინიშნა, რომელსაც “ლივერპულში” ოუენთან ერთად უმუშავია. იაპონელები იმედოვნებენ, რომ ინგლისელი სპეციალისტისა და ფეხბურთელის დახმარებით მოაგვარებენ კლუბის ამჟამინდელ პრობლემებს. “ჯეფ იუნაიტედი” იაპონიის ჩემპიონატში გამართული 12 ტურის შემდეგ გათამაშების ცხრილში ბოლო ადგილზე იმყოფება.
ჯერ-ჯერობით უცნობია ამ საკითხზე მაიკლ ოუენის პოზიცია, რომელიც ამჟამად “ნიუკასლის” ხელმძღვანელობასთან კონტრაქტის გაგრძელების თაობაზე აწარმოებს მოლაპარაკებას.

ინგლისურმა “ლივერპულმა”, ესპანელი ფორვარდის, ფერნანდო ტორესის ტრანსფერში, ლონდონის “ჩელსისგან” 50 მილიონ ევროდ ღირებული წინადადება მიიღო, თუმცა ფეხბურთელთან განშორებაზე დაუფიქრებლად თქვა უარი.
ამის შესახებ, Sky Sports-ი იტყობინება.
სამუშაოს შეცვლის სურვილი არც თავად ფეხბურთელს აქვს, რომელმაც პრემიერლიგის მისთვის სადებიუტო სეზონში, 24 გოლის გატანა და ამ მაჩვენებლით, რუუდ ვან ნისტელროის რეკორდის მოხსნა შეძლო.

ესპანეთის “ბარსელონას” ფრანგი მცველი ლილიან ტურამი, ზაფხულის სატრანსფერო პერიოდში გუნდს დატოვებს.
ამის შესახებ, ფრანგული სპორტული გამოცემა L'Equipe იუწყება.
“ბარსელონადან” მივდივარ, მაგრამ არა ფეხბურთიდან. კლუბთან კონტრაქტი ზაფხულში მიმთავრდება და კატალონიის დედაქალაქს დავტოვებ. სად გავაგრძელებ კარიერას? ჯერჯერობით, არ ვიცი. ყველაფერი იმაზე იქნება დამოკიდებული რა შეთავაზება მექნება”, – განაცხადა 36 წლის ფეხბურთელმა.
ტურამი “ბარსელონაში” 2006 წელს გადავიდა და 35 მატჩში გოლი არ გაუტანია.
მან, საფრანგეთის ეროვნულ გუნდში 138 მატჩი ჩაატარა და მეტოქის კარი ორჯერ აიღო.
იგი 1998 წლის მსოფლიოსა და 2000 წლის ევროპის ჩემპიონია.

ესპანეთის ფეხბურთელთა ეროვნული ნაკრებისა და “ვალენსიას” ფორვარდი დავიდ ვილა ზაფხულის სატრანსფერო პერიოდში სამუშაო ადგილს შეიცვლის.
ამის შესახებ ფეხბურთელმა თავად განაცხადა Reuters-ისთვის მიცემულ ინტერვიუში.
“თუკი კლუბის ხელმძღვანელობა მიიჩნევს, რომ ჩემი გაყიდვა “ვალენსიასთვის” ხელსაყრელი გარიგება იქნება, რატომ უნდა წავიდე მათი სურვილის წინააღმდეგ? დადგა დრო “ვალენსია” დავტოვო და ძალები სხვაგან მოვსინჯო” – მიიჩნევს ვილა.
26 წლის ესპანელი ფორვარდის გადაბირებისთვის ესპანეთისა და ინგლისის კლუბები იბრძვიან, რომელთაც სათავეში მადრიდის “რეალი” და ლონდონის “ჩელსი” უდგანან.

ინგლისის ჩემპიონ “მანჩესტერ იუნაიტედის” მთავარი მწვრთნელი ალექს ფერგიუსონი, პრემიერლიგის სეზონის საუკეთესო მწვრთნელად აღიარეს.
როგორც BBC იტყობინება, შოტლანდიელი სპეციალისტი ლიგის მწვრთნელთა ასოციაციამ სცნო საუკეთესოდ და კუთვნილი პრიზი, ინგლისის ეროვნული ნაკრების თავკაცის, ფაბიო კაპელოსგან მიიღო.
ალექს ფერგიუსონისთვის, ახლახან დასრულებული სეზონი, “მანჩესტერ იუნაიტედის” სათავეში 22-ე იყო და ამ დროის განმავლობაში, მან გუნდს მეათედ მოაპოვებინა ინგლისის ჩემპიონის ტიტული.
ფერგიუსონს, ლიგის მწვრთნელთა ასოციაციის პრიზი აქამდეც მიუღია, ეს 1999 წელს მოხდა, როცა მან, გუნდთან ერთად, ინგლისის ჩემპიონის ტიტული, ქვეყნის თასი და ჩემპიონთა ლიგა მოიგო.

ეს არის НТВ-ს ჟურნალისტის მიერ შოთა არველაძეზე გაკეთებული რეპორტაჟი რომელიც 2007 წლის საუკეთესო რეპორტაჟად აღიარეს





G.A.D.M.O.W.E.R.A

ძალიან მაგარი ვიდეოა ძალიან მაგარ ფეხბურთელზე Zinedine Zidane-ზე

G.A.D.M.O.W.E.R.A