ინგლისის “მანჩესტერ იუნაიტედის” კაპიტანმა რიო ფერდინანდმა, ჩემპიონთა ლიგის ფინალის მატჩისშემდგომი თერთმეტმეტრიანების შემდეგ აღიარა, რომ დარწმუნებული იყო, “ჩელსის” კაპიტანი ჯონ ტერი პენალტს გაიტანდა და “მანჩესტერი” თასის გარეშე დარჩებოა.
ამის შესახებ, ფერდინანდმა Reuters განუცხადა.
ტერი თერთმეტმეტრიანების სერიის გადამწყვეტ, მე-5 დარტყმას ასრულებდა და გოლი რომ გაეტანა, თასი “ჩელსის” დარჩებოდა, მაგრამ მას ფეხი დაუცურდა და ბურთი კარს ააცილა. ამის შემდეგ, მის თანაგუნდელ ნიკოლა ანელკას, “მანჩესტერის” კარის დარაჯმა ვან დერ სარმა აჯობა და თასი “იუნაიტედს” დარჩა.
“ვფიქრობდი, რომ ჯონი პენალტს გაიტანდა. ვარჯიშების დროს, ის თერთმეტმეტრიანებს იდეალურად არტყამს, თუმცა, მისდა საუბედუროდ, ფეხი დაუცურდა, მაგრამ ვიღაცას ხომ უნდა წაეგო”, – თქვა ფერდინანდმა, რომელიც ტერის თანაგუნდელია ინგლისის ეროვნულ ნაკრებში.

ლონდონის “ჩელსის” ნახევარმცველი ფრენკ ლამპარდი კლუბთან კონტრაქტის გაგრძელების თაობაზე მოლაპარაკების დაწყებას ივნისიდან, ინგლისის ეროვნულ ნაკრებში ამხანაგური მატჩების ჩატარების შემდეგ გეგმავს.
როგორც FOX Sports-ი იტყობინება, “არისტოკრატთა” ერთ-ერთმა საუკეთესო ფეხბურთელმა ამის შესახებ თავად განაცხადა.
“ივნისში კლუბის ხელმძღვანელობასთან შეხვედრა მომიწევს. ბოლო ექვსი კვირის განმავლობაში კონტრაქტზე ფიქრი ნამდვილად არ შემეძლო. მოლაპარაკებას ინგლისის ნაკრების ამხანაგური მატჩების შემდეგ ვგეგმავ. არაერთხელ მითქვამს და კიდევ ვიმეორებ, რომ დარწმუნებული ვარ, საერთო ენის გამონახვა არ გაგვიჭირდება” – აცხადებს ლამპარდი, რომელსაც ჩემპიონთა ლიგის ვერმოგების შემთხვევაში, მილანის “ინტერში” გადასვლას უწინასწარმეტყველებდნენ, თუმცა ფეხბურთელმა აღნიშნული განცხადებით ბოლო დღეებში გავრცელებული ინფორმაცია უარყო.

ინგლისის “ჩელსის” პორტუგალიელი მცველი რიკარდუ კარვალიო, ჩემპიონთა ლიგის ფინალში “მანჩესტერ იუნაიტედთან” განცდილ მარცხს უიღბლობას აბრალებს.
ამის შესახებ, კარვალიომ Маяк-ს განუცხადა.
“ჩემპიონთა ლიგის ფინალის მოსაგებად სულ ცოტა დაგვაკლდა. პირველ ტაიმში კარგად ვერ ვითამაშეთ, თუმცა შესვენების შემდეგ, შეხვედრის სადავეებს ჩვენ ვაკონტროლებდით. სამწუხაროდ, უპირატესობა ანგარიშში ვერ ავსახეთ. თერთმეტმეტრიანების სერიაში, კრიშტიანუ რონალდუს მიერ აცილებული თერთმეტმეტრიანის შემდეგ, ჩვენ თასის მოპოვების საუცხოო შანსი გვქონდა, მაგრამ იღბალი აშკარად ჩვენს წინააღმდეგ იყო”, – ამბობს რიკარდუ კარვალიუ.

იტალიური “მილანის” ბრაზილიელ ნახევარმცველ კაკას, შესაძლოა, მარცხენა ფეხზე ოპერაციის გაკეთება დასჭირდეს.
როგორც Reuters–ი იუწყება, პარასკევს, ფეხბურთელს რიო დე ჟანეიროში სამედიცინო გამოკვლევას ჩაუტარებენ და მას შემდეგ გადაწყდება, დასჭირდება, თუ არა კაკას ქირურგიული ჩარევა.
კაკა, უახლოესი 15 დღის განმავლობაში, თამაშს კი არა, ვარჯიშსაც ვერ შეძლებს, რის გამოც, მისი 2010 წლის მსოფლიოს ჩემპიონატის შესარჩევ შეხვედრებში მონაწილეობა პარაგვაისა და არგენტინის ნაკრებების წინააღმდეგ, კითხვისნიშნის ქვეშაა. “მილანმა”, საკუთარ ნახევარმცველს, პეკინის 2008 წლის ოლიმპიადაზე მონაწილეობაც აუკრძალა.

ჩეხეთის ფეხბურთელთა ეროვნული ნაკრების თავდამსხმელ იან კოლერს, რომელმაც გასული სეზონი პირველიდან მეორე ბუნდესლიგაში დაქვეითებულ “ნიურნბერგში” გაატარა, პრაღის “სპარტაში” დაბრუნება სურს.
ამის შესახებ, საფეხბურთო ინტერნეტ-გამოცემა TransferMarketWeb-ი იუწყება.
კოლერი “სპარტას” ღირსებას 1994-1996 წლების სეზონში იცავდა და გუნდის რიგებში ჩატარებულ 29 მატჩში 5 გოლი გაიტანა.
ჩეხმა ფეხბურთელმა საუკეთესო წლები გერმანიის პირველ ბუნდესლიგაში დორტმუნდის “ბორუსიაში” გაატარა, რომლის შემადგენლობაში 2001-2006 წლებში გამოდიოდა და 137 თამაშში მეტოქის კარი 59-ჯერ აიღო.
1999 წლიდან მოყოლებული საკუთარი ქვეყნის ნაკრების ღირსება მან 85 მატჩში დაიცვა და პირად ანგარიშზე 52 გოლი ჩაიწერა

ესპანური “ბარსელონას” ბრაზილიელ მცველ ედმილსონს, საკუთარ კლუბთან კონტრაქტი დაუმთავრდა და საფეხბურთო კარიერას “ვილიარეალში” განაგრძობს.
როგორც “ვილიარეალის” ოფიციალური საიტი იუწყება, ედმილსონმა, რომელიც ბრაზილიის ეროვნული ნაკრების შემადგენლობაში 2002 წლის მსოფლიოს ჩემპიონი გახდა, ესპანურ გუნდთან 2-წლიანი კონტრაქტი გააფორმა.
31 წლის ედმილსონი, “ბარსელონაში” ფრანგული “ლიონიდან” 2004 წელს გადავიდა. ესპანეთის პრიმერადივიზიონის გასულ ჩემპიონატში, ბრაზილიელმა 11 შეხვედრა ჩაატარა და 1 გოლი გაიტანა.

ტურინული კლუბი იწყებს მოლაპარაკებების განხორციელებას “ლივერპულთან” ესპანელი მცველის – ხაბი ალონსოს ტრაფსფერის შესახებ.

“იუვენტუსის” წარმომადგენლები იტალიაში მომავალ კვირას ჩავლენ იმისათვის, რომ განიხილონ ალონსოს შესაძლებელი ტრანსფერი.

რაფაელ ბენიტესი თანამემამულის შეცლას გარეტ ბარით აპირებს, ხოლო ხაბიზე 12 მილიონ ფუნტს ითხოვს. თვითონ ფეხბურთელმა განაცხადა, რომ დარჩენა სურს, მაგრამ თუ ეს მონდომება ცალმხირივი იქნება, ის “ლივერპულს” დატოვებს.

ინგლისის პროფესიონალ ფეხბურთელთა ასოციაციამ პრემიერლიგის საუკეთესო ფეხბურთელად ”მანჩესტერ იუნაიტედის” პორტუგალიელი ლიდერი კრიშტიანუ რონალდუ ზედიზედ მეორედ დაასახელა. ტიერი ანრის შემდეგ რონალდუ პირველია, რომელმაც ტიტულის შენარჩუნება შეძლო: ლონდონის ”არსენალის” ფრანგმა ექს-ფორვარდმა მსგავსი რამ 2003-2004 წლებში შეძლო.

პრემიერლიგის საუკეთესო ფეხბურთელის გამოსავლენ რეფერენდუმში რონალდუმ ”ლივერპულის” ლიდერებს, ესპანელ თავდამსხმელ ფერნანდო ტორესს და კ ... კითხვის გაგრძელება »

მანჩესტერ იუნაიტედის” შემადგენლობაში ჩემპიონთა ლიგის “ეხლახან გამომცხვარი” გამარჯვებული ხერარდ პიკე უახლოეს მომავალში “ბარსელონასთან” გააფორ

მანჩესტერი ჩელსის დაპირისპირების შემდეგ რამდენიმე დგეში აბრამოვიჩმა განაცხადა რომ მას ღარ სურს გუნდში ნახოს რამოდენიმე ფეხბურთელი და მან ისიც დააყოლა რომ ეს არ შეეხება ჯონ ტერის

აბრამოვიჩმა ასევე ისაუბრა ტრანსფერებთან დაკავშირებით მან განაცხადა რომ იგი აუცლიებლად შეიძენს დავიდ ვილლიას და სერხიო რამოსს ის ასევე დაინტერესებულია რიკარდო კაკათი . აბრამოვიჩმა საუბრის დასრულების შემდეგ განაცხადა რო მისი გუნდი აღარ წააგებს პენალტების სერიაში ტუ მის გუნდში გადმოვიდნენდ კაკა და ვილა

ბუნდესლიგაში გადასვლის შემდეგ ალბათ არავინ მოელოდა, რომ ”ბაიერნის” მაისურით თავის პირველი სეზონში ტონი ასეთი შედეგიანი იქნებოდა.ამ სეზონში მან 46 თამაშიდან გაიტანა 39 გოლი, რაც შესანიშნავი მაჩვენებელია.აქამდე ”ბაიერნის” არცერთ ფეხბურთელს არ ჰქონდა გატანილი ამდენი გოლი თავის პირველ სეზონში. ”შესანიშნავი სეზონი ჩავატარე.სიმართლე გითხრათ ნამდვილად არ მოველოდი, თუ გერმანიაში პირველსავე წელს ასე გავიბრწყინებდი” განაცხადა ტონიმ.