ბრაზილიის ეროვნული ნაკრების და მადრიდის ”რეალის” თავდამსხმელი რობინიო, უმოკლეს დროში შესაძლოა ლონდონის ”ჩელსის” რიგებში ვიხილოთ.ფეხბურთელის აგენტმა, ბაგნერ რეიბეირომ წინასწარი მოლაპარაკება უკვე ჩაატარა ინგლისურ კლუბთან, რომლის მესვეურნიც თანახმანი არიან, რომ ბრაზილიელში 35 მილიონი ევრო გადაიხადონ.

რობინიოთი ”ჩელსის” დაინტერესების შესახებ თავად რობინიო აცხადებს, რომელმაც აღნიშნა, რომ ლონდონელებისგან მოწვევა მიღებული აქვს და მისით იტალიური ”მილანიცაა” დაინტერესებული.

წლევანდელ სეზონზე რობინიომ ლომის წილი გაიღო, რომ ”რეალს” პრიმერადივიზიონი მოეგო.

სეზონის დასასრულს ”რეალს” განზრახული ქონდა რობინიო ”მანჩესტერისთვის” გადაეცა კრიშტიანუ რონალდუს სანაცვლოდ, მაგრამ კრიშტიანუმ აღარ მოინდომა პრემიერლიგის და ჩემპიონთა ლიგის გამარჯვებული გუნდის დატოვებ ... კითხვის გაგრძელება »

“ჩვენ აქცენტი ბრანკო ივანკოვიჩზე გვქონდა გაკეთებული, თუმცა, მას რამდენიმე ვარიანტი გამოუჩნდა, რის გამოც ხორვატ სპეციალისტთან მოლაპარაკების პროცესი დროში გაიწელა, ეს კი ჩვენს გეგმებში არ შედის. ამჟამად მოლაპარაკებას ორ კანდიდატთან ვაწარმოებთ, ესენი არიან მორტენ ოლსენი და ფოლკერ ფინკე. ყველაფერს ვაკეთებთ, რათა ეროვნულ გუნდს ახალი მწვრთნელი უახლოეს მატჩებამდე ჰყავდეს” - განაცხადა “მსოფლიო სპორტთან” საუბარში უჩა უგულავამ, რომელმაც ეროვნული ნაკრების მთავარ მწვრთნელად ახალგაზრდული გუნდის თავკაცის პეტარ სეგრტის შესაძლო დანიშვნის შესახებ ბოლო დღეებში გავრცელებული ინფორმაცია კატეგორიულად უარყო. მისი თქმით, თუკი მაისის ბოლოს დანიშნულ ამხანაგურ მატჩებამდე ვერ მოესწრო ახალი მწვრთნელის დანიშვნა, სეგრტი ამ შემთხვევაში გაუძღვება გუნდს ესტონეთის და პორტუგალიის ნაკრებების წინააღმდეგ

აქართველოს ფეხბურთის ფედერაციას ფოლკერ ფინკესთან მოლაპარაკებების მორიგი რაუნდი გაიმათა. საამისოდ ბადენ-ვიურტემბურგში ფეხბურთის ფედერაციის ვიცე-პრეზიდენტი რევაზ არველაძე იყო ჩასული. შეხვედრა კარლსრუეში გაიმართა.

არველაძე გუშინ დაბრუნდა თბილისში და განაცხადა, რომ ფინკე, ზოგადად, თანახმაა გაწვრთნას საქართველოს ეროვნული ნაკრები. “ფრაინბურგის” ყოფილი თავკაცი ქართული მხარის პირობებსაც გაეცნო და მოსაფიქრებლად ვადა ითხოვა-ფინკეს პასუხს ფედერაცია 31 ივნისისთვის ელის.

არველაძეს კარლსრუეში კიდევ ერთი საქმიანი შეხვედრა ჰქონდა: “Jako“-ს წარმომადგენელთან გამართა მოლაპარაკება და შესაძლოა, დამდეგ შესარჩევში საქართველოს “diadora“-ს ნაცვლად “jako“-თი შეიმოსავს.

საქართველოს ნაკრების კაპიტანი კახა კალაძე დაახლოებით ორი თვე ვერ ითამაშებს ფეხბურთს. იტალიური “მილანის” ქართველი მცველი გუშინ ჩამოვიდა თბილისში, ეროვნული გუნდის დროებითი თავკაცი პეტარ სეგრტიც მოინახულა.

კალაძემ ტრავმა “მილანში” მიიღო, მენისკი დაიზიანა და ბოლო სამი თამაში ნემსებით ჩაატარა, ახლა კი ოპერაციას იკეთებს.

რამდენადაც ცნობილია, კალაძე ოპერაციას მომავალ კვირაში გაიკეთებს.

საქართველოს ეროვნული ნაკრების და “დნეპროს” ნახევარმცველის ჯაბა კანკავას ცხოვრებაში საინტერესო სიახლეა. ჯაბა რამდენიმე დღეა რაც თბილისში ჩამოვიდა და ინტერვიუზეც დავითანხმეთ. მას მხარი აწუხებს და საოპერაციოდ გერმანიაში მიემგზავრება.

- ჯაბა რამდენადაც ჩემთვის ცნობილია მხარი გაწუხებს, როდის იკეთებ ოპერაციას?

- მხარი დაახლოებით 4 წელია რაც მაწუხებს, ჯერ კიდევ “დინამოში” ვთამაშობდი. გერმანიაში 25 მაისს მივდივარ და ოპერაციას 27 მაისს ვიკეთებ. დაახლოებით 3 კვირა ვარჯიში არ შემეძლება. გერმანიიდან კვლავ თბილისში დავბრუნდები და სარეაბილიტაციო პერიოდს აქ გავატარებ.


- როგორც ვიცი, 27 და 31 მაისს ესტონეთთან და პორტუგალიასთან ამხანაგურ შეხვედრას შენ და დავით სირაძე გამოეთიშებით, სამაგიეროდ ნაკრებში ვიხილავთ ახალ სახეებს რატი ალექსიძისა და რევაზ ბარაბაძის სახით, რას გვეტყვი მათ შესახებ?


- რამდენადაც ჩემთვის ცნობილია ნაკრებში ბევრი ფეხბურთელია გამ ... კითხვის გაგრძელება »

ლონდონის “ჩელსის” ყოფილმა თავკაცმა ჟოზე მაურინიომ თავის მემკვიდრეს, გუნდიდან აწ უკვე დათხოვნილ აბრაამ გრანტს, ხელმოცარული მწვრთნელი უწოდა.
ამის შესახებ ინტერნეტ-გამოცემა Goal-ი იტყობინება.
“ჩემი ფილოსოფიით, სიტყვა “თითქმის” ფეხბურთში მარცხს ნიშნავს. მან თითქმის მოიგო ჩემპიონთა ლიგა, პრემიერლიგა და ლიგის თასი, თუმცა, თითქმის - ეს არაფერია. გუნდი ტიტულის გარეშე დარჩა, რაც იმას ნიშნავს, რომ სეზონი წარუმატებელი იყო. მაგრამ ხელმოცარული ადამიანის ფილოსოფიით, ამ სეზონს შეიძლება კარგი ეწოდოს” - განაცხადა მაურინიომ.
აბრაამ გრანტმა მაურინიო “ჩელსის” მთავარი მწვრთნელის თანამდებობაზე გასული წლის სექტემბერში შეცვალა, მაგრამ სეზონის ტიტულის გარეშე დასრულების გამო, ებრაელი სპეციალისტი გუშინ კლუბიდან გაათავისუფლეს.

ფრანგული “ლიონი” 20 მილიონ ევროდ აფასებს ახალგაზრდა ფორვარდ ბენ არფას, რომლის შეძენით ევროპული გრანდები არიან დაინტერესებულნი.
ფრანგული პრესის ინფორმაციით, ამის შესახებ კლუბის პრეზიდენტმა ჟან მიშელ ოლამ განაცხადა, რომელმაც იქვე დააზუსტა, რომ 21 წლის ფორვარდის ტრანსფერის სანაცვლოდ მოთხოვნილ თანხას არაფერი მოაკლდება.
ბენ არფას მიმართ ინტერესს მადრიდის “რეალი”, ლონდონის “არსენალი”, “ლივერპული” და “მანჩესტერ იუნაიტედი” იჩენენ. ახალგაზრდა ფეხბურთელს, რომელსაც საფრანგეთის ეროვნულ ნაკრებში 5 მატჩი აქვს ჩატარებული და 1 გოლი გატანილი, მოახლოებულ ევროპის ჩემპიონატზე თამაშის შანსი აქვს. იგი “სამფეროვანთა” მთავარმა მწვრთნელმა რაიმონ დომენეკმა კონტინენტის პირველობისთვის შედგენილ სიაში შეიყვანა.

მადრიდის “ატლეტიკო”, რომელიც საკუთარი კარის იტალიელი დარაჯის კრისტიან აბიატის შემცვლელს ეძებს, “მალიორკას” 24 წლის მეკარე ანხელ მოიათი დაინტერესდა.
აბიატის “მილანიდან” არენდის ვადა მიმდინარე წლის ზაფხულში იწურება.
როგორც Marca იუწყება, მადრიდელები მზად არიან, რომ ზემოაღნიშნული ტრანსფერის სანაცვლოდ, “მალიორკას” 4 მილიონი ევრო გადაუხადონ და ესპანეთის მე-2 დივიზიონში განათხოვრებული რობერტო ხიმენესი გარკვეული დროით მათ დაუთმონ.
გასულ სეზონში, მოიამ “მალიორკას” რიგებში 29 თამაში ჩაატარა.

იტალიური “ფიორენტინა”, ინგლისურ “ლივერპულს”, “უდინეზეს” მცველ ანდრეას დოსენას შეძენაში ეცილება.
როგორც Sky Sports დოსენას აგენტმა განუცხადა, “ფიორენტინა” ძალიან მონდომებულია მისი კლიენტის საკუთარ გუნდში ხილვით.
თავის მხრივ, “უდინეზეს” სპორტული დირექტორი პიეტრო ლეონარდი ადასტურებს, რომ 26 წლის მცველის ტრანსფერთან დაკავშირებით, “ლივერპულთან” მოლაპარაკებები მიმდინარეობს, თუმცა, იმასაც ამბობს, რომ იტალიელთა პირობებს ინგლისელები ჯერჯერობით არ თანხმდებიან.
“ინგლისური მხარე, ჯერჯერობით, ჩვენს პირობებს სრულად არ ეთანხმება. მოლაპარაკებები გრძელდება. მოცემულ მომენტში გადაწყვეტილი არაფერია, შემდეგი შეხვედრა კი მომდევნო კვირაში შედგება” - აღნიშნა ლეონარდიმ.

ესპანური “ვალენსიას” გერმანელი მეკარე ტიმო ჰილდებრანდი, რომელიც გერმანიის ფეხბურთელთა ეროვნული ნაკრების მთავარმა მწვრთნელმა იოახიმ ლიოვმა ეროვნული გუნდის შემადგენლობაში არ შეიყვანა, ლიოვს ნაკრების ფეხბურთელებისადმი უპატივცემულობაში სდებს ბრალს.
ამის შესახებ ჰილდებრანდმა გერმანულ საინფორმაციო საშუალებებს განუცხადა.
“ყველაზე მეტად, ჩემზე იმ ფაქტმა იმოქმედა, რომ ლიოვმა, საკუთარი გადაწყვეტილების შესახებ, პირადად კი არ მაცნობა, არამედ ეს მეკარეთა მწვრთნელ ანდრეას კიოპკეს დაავალა. ეს ნაკრების ფეხბურთელებისადმი უპატივცემულობაა. ამით მან საკუთარ თავსაც არ სცა პატივი. მიუხედავად ყველაფრისა, თუ ნაკრებში დამიძახებენ, არ ექნება მნიშვნელობა, თუ ვინ იქნება მისი მწვრთნელი, მე ეროვნული მაისურით მაინც დიდი სიამოვნებით ვითამაშებ” - განაცხადა ტიმო ჰილდებრანდმა.
მან ისიც განაცხადა, რომ ლიოვი შემადგენლობის დასახელებიდან 4 დღის შემდეგ დაუკავშირდა, თუმცა, მწვრთნელის არგუმენტებმა, ... კითხვის გაგრძელება »

ესპანური “ბარსელონას” ხელმძღვანელობა, წარუმატებელი სეზონის შემდეგ, ზაფხულის სატრანსფერო პერიოდში 10 ფეხბურთელის შეძენას აპირებს და დაახლოებით ამდენივე მოთამაშეს შეელევა. ესპანურმა გამოცემა Sport-მა იმ ფეხბურთელთა სია გამოაქვეყნა, რომლებიც კატალონიელთა ახალ მწვრთნელ ხოსეპ გვარდიოლას სურს გუნდში იხილოს.
“ბარსელონას” შესაძლო ახალწვეულთა შორის სახელდებიან:
მცველები: დანიელ ალვეში (“სევილია”), ხერარდ პიკე (“მანჩესტერ იუნაიტედი”), ფაბრიციო კოლოჩინი (“დეპორტივო”);
ნახევარმცველები: სეიდუ კეიტა (“სევილია”), ალექსანდრ გლები (“არსენალი”), ფლორან მალუდა (“ჩელსი”), დავიდ სილვა (“ვალენსია”);
თავდამსხმელები: კარიმ ბენზემა (“ლიონი”), ემანუელ ადებაიორი (“არსენალი”), დიმიტარ ბერბატოვი (“ტოტენჰემი”).
აქედან ორი ფეხბურთელის ტრანსფერი უკვე გადაწყვეტილია: ხერარდ ... კითხვის გაგრძელება »

ინგლისური “მანჩესტერ იუნაიტედისა” და პორტუგალიის ეროვნული ნაკრების ნახევარმცველი კრიშტიანუ რონალდუ, რომლისთვისაც ბოლო სეზონი კარიერაში საუკეთესო გამოდგა, მიღწეულზე შეჩერებას არ აპირებს და აცხადებს, რომ მომავალ სეზონში უკეთ ითამაშებს.
ამის შესახებ Sky Sports-ი იტყობინება.
“მანჩესტერ იუნაიტედი ყოველ სეზონში პროგრესირებს. ეს სეზონი ბრწყინვალედ ჩავატარეთ, მე ორი საკლუბო ტიტულისთვის ბრძოლაში ბევრი გოლი გავიტანე და ვეცდები, რომ მომავალ სეზონში კიდევ უფრო უკეთ ვითამაშო. ახლა პირველი ევროპული ტიტული მოვიპოვე და მინდა უფრო და უფრო მეტ წარმატებას მივაღწიო, რადგან ეს წარმოუდგენელი გრძნობაა” – აცხადებს რონალდუ, რომელმაც აწ უკვე დასრულებულ სეზონში “მანჩესტერ იუნაიტედთან” ერთად ინგლისის ჩემპიონობა და ჩემპიონთა ლიგაში გამარჯვება იზეიმა. ამავდროულად, პორტუგალიელი ფეხბურთელი 31 გოლით პრემიერლიგის საუკეთესო ბომბარდირი გახდა და ინგლისში სეზონის საუკეთესო მოთამაშედაც აღიარეს ... კითხვის გაგრძელება »

ლა ლიგის წლევანდელ სეზონში მადრიდის ”რეალმა” ყველაზე მეტი ბურთი გაიტანა და ყველაზე ცოტა გაუშვა.გოლების რაოდენობის მიხედვით გუნდში სამი ბომბარდირი გამოიკვეთა.პირველ ადგილზეა რაული 18 გოლით, მეორეზეა ნისტერლოი 16 გოლით, ხოლო მესამეზეა რობინიო 11 გოლით.აღნიშნული სეზონი რომ შედეგიანი იყო მადრიდელებისათვის აქედანაც ჩანს.2002-2003 წ.წ. სეზონის შემდეგ გუნდში სამმა ფეხბურთელმა მხოლოდ წელს მოახერხა 10-ზე მეტი გოლის გატანა.აღნიშნულ წლებში რონალდომ, რაულმა და ფიგუმ მოახერხეს ამ ბარიერის გადალახვა.

სამეფო კლუბმა შარშანაც მოიპოვა ჩემპიონობა, მაგრამ მაშინ მხოლოდ რუუდმა მოახერხა 10-ზე მეტი გოლის გატანა.ჰოლანდიელი 25 გატანილი ბურთით პიჩიჩის მფლობელი გახდა.ჩვენს კაპიტანს კი წინა სათამაშო სეზონში მხოლოდ და მხოლოდ 7 გოლი ჰქონდა აქტივში.ალბათ ყველასათვის ნათელია, თუ რაოდენ კარგი სეზონი ჩაატარა რაულმა წელს.

წლევან ... კითხვის გაგრძელება »