ბოლო წლების საფრანგეთის უცვლელი ჩემპიონი “ლიონი”, რომელიც ძირითადი მეკარე გრეგორი კუპეს შესაძლო დაკარგვით არის შეშფოთებული, ინტერესს საფრანგეთის ეროვნული ნაკრებისა და “ნიცას” 21 წლის კარის დარაჯ იუგო ლორისის მიმართ იჩენს.
როგორც L'Equipe-ი იუწყება, ლიონელები მზად არიან, რომ “ნიცას” მეკარის სანაცვლოდ 10 მილიონი ევრო შესთავაზონ.
“ნიცა” ლორისთან კონტრაქტის გახანგრძლივებას ხუთშაბათს გეგმავს, მისი შეძენა კი “ლიონის” გარდა იტალიურ “მილანს” და ინგლისურ “ტოტენჰემს” უნდა.

საქართველოს ფეხბურთელთა ეროვნულმა ნაკრებმა მორიგი უფერული და უხარისხო მატჩი ჩაატარა. ქვეყნის უპირველესი გუნდი, რომელსაც ახალი მწვრთნელის მოძიებამდე ახალგაზრდული ნაკრების თავკაცი პეტარ სეგრტი წვრთნის, დღეს, ტალინში, “ა ლე კოქ არენა”-ზე, ამხანაგურ მატჩში ესტონეთის ნაკრებთან მარცხს გადაურჩა. შეხვედრა ფრედ 1:1 დასრულდა.
პეტარ სეგრტისგან, დაბეჩავებული გუნდის ფეხზე დაყენებას არც არავინ ელის, მითუმეტეს, მხოლოდ რამდენიმე ვარჯიშის ჩატარების შემდეგ, თუმცა ხორვატი სპეციალისტის მიერ მისთვის სადებიუტო მატჩის წინ გამოთქმული იმედი, რომ “ჯვაროსნებს” მონდომებას გაუღვივებდა, ალბათ უკვე გაცრუვდა. ნაკრებმა მისთვის “ჩვეულ სტილში” ითამაშა. ისევე როგორც ესტონეთის ნაკრებმა, რომელმაც ქართველთაგან განსხვავებით, საკუთარი ადგილი კარგად იცის და არც ზედმეტი ამბიცია აწუხებს.  
რაც შეეხება უშუალოდ მატჩს, რომელიც გუნდების მსგავსად უხეირო მოედანზე გაიმართა, შეხვედრის პირველ ტაიმში მეტ ... კითხვის გაგრძელება »