ესპანურმა საფეხბურთო კლუბმა "ბარსელონამ" მთავარი მწვრთნელის შემცვლელი მოძებნა სწორედ ასეთი სათაურით გამოვიდა სტატია Telegraph - ში. როგორც აღნიშნული წყარო იტყობინება უკვე გადაწყვეტილია, რომ კატალონიურ კლუბს სეზონის დამთავრებისთანავე სათავეში ჩაუდგება ყოფილი კაპიტანი ხოსეპ გვარდიოლა. გუნდის პრეზიდენტმა ხუან ლაპორტამ და სპორტულიმა დირექტორმა ჩიკი ბეგირისტაინმა ყრილობაზე მხარი დაუჭირეს სწორედ გვარდიოლას კანდიდატურას. შემდეგ კი ამ გადაწყვეტილებას განსჯის "ბარსას" სხვა ხელმძღვანელობა. ჯერჯერობით ამ საკითხზე კომენტარს არ აკეთებენ კატალონიური კლუბის მაღალჩინოსნები, თუმცა ევროპული პრესა უახლოეს მომავალში ელის განცხადებებს მათი მხრიდან. თავად ჰოლანდიელ სპეციალისტს კონტრაქტი 2009 წელს ეწურება და უარვყოფს ხმებს მისი წასვლის შესახებ. 2 წლის განმავლობაში კი კლუბს არც ერთი ტიტული არ მოუგია მისი ხელმძღვანელობით. ასე, რომ მისი წასვლა "ბარსელონადან" გადაწყვეტილი საკითხია და ამაზე უკვე ესპანეთშიც თანხმდებიან. რაც შეეხება გვარდიოლას იგი გუნდში იოჰან კრუიფის თავკაცობით თამაშობდა და მისი მონაწილეობით "ბარსელონამ" ზედიზედ ოთხჯერ მოიგო პრიმერა 1991 წლიდან 1994 წლის ჩათვლით და ამის გარდა 1992 წელს იგი გახდა საუკეთესო გუნდი ევროპაში. ესპანეთის ნაკრებში თამაშისას კი გვარდიოლა გახდა ოლიმპიური ჩემპიონი 1992 წელს. ეროვნულ ნაკრებში ჩაატარა 47 მატჩი და გაიტანა 5 გოლი. კატალონიური გუნდიდან ფეხბურთელი იტალიის სერია ა - ში წავიდა და "ბრეშას" შემადგენლობაში ჩაირიცხა. თუმცა დოპინგის გამოყენების მიზეზით მას 4 თვიანი საფეხბურთო დისკვალიფიკაცია მისცეს. ბოლო წლებში იგი თამაშობდა მექსიკისა და ყატარში. საფეხბურთო კარიერა კი 2006 წლის ნოემბერში დაასრულა. გასული წლის ივნისში კი ის დაინიშნა "ბარსელონას" ახალგაზრდული გუნდის მწვრთნელად.
Euro Cup Soccer 2008
