“მილანის” ლიდერი არ არის წინააღმდეგი კლუბის შემადგენლობაში “ბარსელონას” ლიდერი იხილოს. “ადრიანო გალიანის ჩემთვის რომ ტრანსფერული პოლიტიკის მართვის უფლება მოეცა, მე მესის ვიყიდიდი”, – განაცხადა ბრაზილიელმა. “ამ დროისთვის ეს არის ფეხბურთელი, რომლის თამაშის ყურება მაინტერესებს. ის გასაოცარია! დიახ, თუ მე შევძლებდი რომელიმე ტრანსფერის განხორციელებას, ეს მესის გადმოყვანა იქნებოდა”. იტალიური გამოცემები იუწყებიან, რომ იმის შემდეგ, რაც “მილანმა” რონალდინიოს ყიდვაზე თქვა უარი (ბრაზილიელმა სამედიცინო ტესტი ჩაშალა, რის შემდეგ მისი იტალიაში გადასვლის შანსი შემცირდა), ის შესაძლებელია სამიზნეში სწორედ არგენტინელს ამოიღებს. “შევძლებთ თუ არა ჩვენ ერთად თამაშს?”, – აგრძელებს კაკა. “მე შემიძლია ვითამაშო მესისთანაც, რონალდინიოსთანაც, პატოსთანაც და ინძაგისთანაც. მთავარია დრო პრაქტიკისთივს”. როგორც ხედავთ “როსონერის” ნახევარმცველმა ჩამონათვალში რონალდო არ დაასახელა. ბოლო დროის განმავლობაში რონალდო ჟურნალ–გაზეთებში ხვდება არა სპორტული შინაარსის სტატიებში, არამედ ნარკოტიკებთან, ტრანსვესტიტებთან და სხვა ბევრ ცუდ საქმიანობასთან დაკავშირებულებში. მაგრამ კაკამ მაინც ზურგი არ შეაქცია თანამემამულეს. “მე ვცდილობდი მისთვის დამერეკა, მაგრამ რონალდო ეხლა ცოტა შეცვლილია. ეს მისთვის რთული დროა და მთელმა გუნდმა მას მხარი უნდა დავუჭიროთ. მე ყოველთვის ვცდილობ რონისთან ახლოს ვიყო და დავეხმარო. ის კარგი ადამიანია და ეს ყველამ იცის, ვინც მას იცნობს. მაგრამ ყველა ცდება, მე მას არ განვსჯი – მან უკვე ბოდიში მოიხადა”.
Euro Cup Soccer 2008
