“ბარსელონას” ხელმძღვანელობა საზიზღრად ჩატერებული სეზონის შემდეგ სერიოზულად დაფიქრდა ბევრი ფეხბურთელის მომავალ ბედზე. გავრცელებული ინფორმაციის თანახმად, დიდი შანსია საკადრო წმენდაში მოხვდეს ვიქტორ ვალდესიც. ხუან ლაპორტა “ბარსელონას” ბოლო ოთხი წლის ნომერ პირველ მეკარეს სულაც არ მიიჩნევს შეუცვლელად. სრულიად შესაძლებელია, რომ ვალდესი იქნას გაყიდული, ან მოხვდეს სათადარიგოთა სკამზე. თუმცა, შესაძლოა სათადარიგო მეკარედ “ბარსამ” პინტო დაიტოვოს, ხოლო პირველი მეკარის მაისური უფრო ძლიერ მოთამაშეს ანდოს. ვრცელდება ჭრები კატალონიური კლუბის მხრიდა “ვილიარეალის” გოლკიპერის, დიეგო ლოპესით დაინტერესების შესახებაც. ცოტა ხნის წინ გავრცელდა ხმები იმის შესახებ, რომ ინგლისურმა “ტოტენჰემმა” კატალონიურ “ბარსელონას” კამერუნელი ფორვარდის, სამუელ ეტო’ოს სანაცვლოდ 35 მილიონი ევრო, ხოლო თავად ფეხბურთელს, ხეფასის სახით, წელიწადში 8 მილიონი ევრო შესთავაზე. ამავე ჭორების თანახმად, ამ ტრანსფერის წინააღმდეგი არც თავად ეტო’ო იყო, მაგრამ თავად კამერუნელმა ფეხბურთელმა უარყო გავრცელებული ინფორმაცია და განაცხადა, რომ იგი კლუბის გამოცვლას არ აპირებს.
|
Euro Cup Soccer 2008
