”ზესტაფონმა“ თბილისში, პირველ ნახევარფინალურ შეხვედრაში მიღწეული ფრეს (1:1) შემდეგ, ქვეყნის მრავალგზის ჩემპიონს სერიოზული წინააღმდეგობა გაუწია და 1:0 დაამარცხა. ამ შეხვედრაში ფინალში გამსვლელი ერთადერთი გოლი, 62-ე წუთზე გუნდის კაპიტანმა როინ ონიანმა გაიტანა.

მეორე ნახევარფინალისტები, ”ბორჯომი“ და ”ამერი“ ერთმანეთს მშვიდობიანად (1:1) დაშორდნენ. აღნიშნული ანგარიში ხელს სტუმრებს აძლევდა და ზედიზედ მესამედ ფინალში დედაქალაქელები გავიდნენ.

ამრიგად, საქართველოს თასის ფინალში, რომელიც 16 მაისს, ბორის პაიჭაძის სახელობის ეროვნულ სტადიონზე გაიმართება, ერთმანეთს ”ამერი“ და ”ზესტაფონი“ დაუპირისპირდებიან.

განვლილი ორი ფინალი ”ამერმა“ მოიგო და ძველი თასი მფლობელობაში სამუდამოდ დაიტოვა. 16 მაისს გამარჯვებული გუნდი კი, პროფლიგის მიერ დამზადებულ ახალ თასს ჩაიბარებს.