"სიტი ოფ მანჩესტერზე" მისული გულშემატკივარი, დღეს დიდი ჯახის მომსწრე გახდება. საკამათო არ არის ის ამბავი, რომ ევროპული ფეხბურთის გრანდებს, არც “რეინჯერსი” და მეტადრე, არც “ზენიტი” არ განეკუთვნებიან, მაგრამ, როდესაც რანგით მეორე ევროპული ჯილდოს მფლობელის ვინაობა ირკვევა, ”გრანდის” მცნება უკანა პლანზე გადადის. გულშემატკივრობა ყოველთვის სუბიექტურია და შესაბამისად, ტოტალიზატორის მეფსონეების უმეტესობა, სუბიექტურობაზე აგებული ლოგიკით ხელმძღვანელობს. ერთი შეხედვით ხომ ყველაფერი ასე მარტივია?! სუსტი გუნდი მარცხდება, ძლიერი კი იმარჯვებს! მაგრამ, როდესაც “რეინჯერსისა” და “ზენიტის” უეფა-ს თასის ფინალამდე განვლილ გზას გადავხედავთ, უმალ დავრწმუნდებით, რომ ყველაფერი სულაც არ არის მარტივად და “ბუნებრივად”. პეტერბურგელები, საფეხბურთო სპეციალისტებმა, ჯერ კიდევ უეფა-ს თასის ჯგუფური ეტაპის შემდეგ ჩამოწერეს. რუსებმა ჯგუფში “ევერტონისა” და “ნიურნბერგის” შემდეგ, მხოლოდ მესამე ადგილი დაიკავეს და როდესაც კენჭისყრამ ესპანეთის ერთ-ერთი საუკეთესო გუნდი, “ვილიერეალი” არგუნათ, შემდეგ ეტაპზე “ზენიტის” გასვლის შანსებზე მოსაუბრე ადამიანი, მხოლოდ ირონიას თუ იმსახურებდა. იმის გამო, რომ რუსებმა მხოლოდ მოწინააღმდეგე გუნდის მოედანზე გატანილი გოლის უპირატესობით დაძლიეს ესპანელების ბარიერი, სპეციალისტები “მარსელთან” მატჩის წინაც სკეპტიკურად უყურებდნენ რუსების შანსებს. პეტერბურგელების სიძლიერე ბევრმა არც მეოთხედფინალში “ლევერკუზენის” განადგურების შემდეგ ირწმუნა, მაგრამ რუსეთის “მამაქალაქელებმა” როდესაც მრისხანე “ბაიერნსაც” წირვა გამოუყვანეს, მხოლოდ მაშინღა ალაპარაკდნენ “ზენიტის” მიერ თასის აღების შანსებზე. საბჭოეთის პერიოდში, “ზენიტი”, წლების მანძილზე, უფერულ და არაფრის მთქმელი ფეხბურთის მოთამაშე კლუბად ითვლებოდა. ბოლო წლებამდე, ვერც დამოუკიდებელი რუსეთის ჩემპიონატის დაწყების შემდეგ იყო დიდი ხვითო. ახლა კი, როდესაც ევროპული თასის აღებამდე ერთი ნაბიჯია, მიუხედავად იმისა, რომ რუსებს მათი საუკეთესო ფეხბურთელი, პაველ პოგრებნიაკი დიკვალიფიკაციის გამო დააკლდებათ, მაინც თამამად შეიძლება იმის მტკიცება, რომ “ზენიტი” დღეს მოედანზე საომრად გავა! მიუხედავად იმისა, რომ შოტლანდიელებს ფინალამდე რუსების მსგავი შთამბეჭდავი გზა ნამდვილად არ გაუვლიათ, გააზრებული, გონიერი და სწორი ფეხბურთით “რეინჯერსმა” დაამტკიცა, რომ მონდომებას ძალიან ბევრი რამ შეუძლია. “რეინჯერსის” წლევანდელი “ევრო-კრუიზი” ჩემპიონთა ლიგაში გამოსვლით დაიწყო. მთავარ ევროპულ ტურნირში, გლაზგოელებს ჯგუფურ ეტაპზევე მოეცარათ ხელი, მაგრამ ჯგუფში დაკავებულმა მესამე ადგილმა, შოტლანდიელები უეფა-ს თასის გათამაშებაში გადაისროლა, სადაც ბედმა, პირველივე მეტოქედ, ევროპული მასშტაბით საკმაოდ კარგი გუნდი, ათენის “პანათინაიკოსი” არგუნა. ათენელებთან “რეინჯერსმა” გლაზგოში – 0:0, სტუმრად კი 1:1 ითამაშა და ალბათ, მთელი შოტლანდია ლოცავდა იმ ჭკვიან კაცს, რომელმაც მოწინააღმდეგე გუნდის მოედანზე გატანილი გოლის უპირატესობა დააკანონა. მერვედფინალში “ჩაფრებმა”, როგორც იტყვიან, საკუთარ თავს აჯობეს და გერმანიის ბოლო დროის ერთ-ერთი საუკეთესო გუნდი, ბერმენის “ვერდერი” დაიფრინეს. გერმანელებს ზედ ლისაბონის “სპორტინგიც” მიაყოლეს და ყველაზე დიდი ბრძოლის გადატანა ნახევარფინალურ შეხვედრებში, ფლორენციის “ფიორენტინასთან” მოუწიათ. ორივე მატჩი ერთნარი ანგარიშით – 0:0 დასრულდა, პენალტების სერიაში კი, უფრო კარგი ნერვები გლაზგოელებს აღმოაჩნდათ და ტურნირის ფინალის საგზურსაც გამოკრეს ხელი. შოტლანდიელები ფინალშიც უცილობელ გამარჯვებას გეგმავენ. ის ფაქტი, რომ დღევანდელი ფინალი ბრიტანეთში იმართება, სქოთებისთვის, მომგებიანთან ერთად, ზედმეტად დამაბრკოლებელიც შეიძლება აღმოჩნდეს. გულშემატკივრები, ბუნებრივია, “რეინჯერსს” მეტი ეყოლება, მაგრამ მანჩესტერი ნამდვილად არ არის ის ქალაქი, სადაც შოტლანდიელები თავს მშობლიურ გარემოში იგრძნობენ. ბევერი ფიქრობს, რომ ადგილობრივი, ანუ მანჩესტერელი გულშემატკივრების დიდი ნაწილი, შოტლანდიელების ჯიბრზე, რუსების ქომაგობას გეგმავენ. რუსებს, გარდა პეტერბურგელი ქომაგებისა, ასევე მხარს დაუჭერენ მთელი ევროპიდან ჩასული რუსული ემიგრაციის წარმომადგენლები, თუმცა ძნელად სავარაუდოა, რომ მათ, შოტლანდიელ ფანებს ქომაგობაში აჯობონ. გარდა წმინდა საფეხბურთო მომენტებისა, ბევრი გულშემატკივარი და არა მხოლოდ გულშემატკივარი, ამ თამაშს სხვა ასპექტშიც განიხილავს. მათი აზრით, ეს ფინალი ატარებს ერთგვარ ეთნო-ფსიქოლოგიურ დატვირთვასაც. საუკუნეების მანძილზე ჩამოყალიბებული იმპერიული ფსოქოლიგიის ქვეყნის გუნდი – “ზენიტი” ხვდება ლამის “მარადიულ კოლონიად” ქცეული ქვეყნის, შოტლანდიის გუნდს – “რეინჯერსს”. დღეს ერთმანეთს დაუპირისპირდება ორი სხვადასხვა აზროვნება, სხვადასხვა საფეხბურთო ხედვა, სხვადასხვა ტრადიცია და ისტორია. ზემოთ აღნიშნული ფენომენის დანახვა და გაგება, სხვა თუ არაფერი, ამ კლუბების სახელწოდებიდანაცაა შესაძლებელი. სპეციალისტების უმეტესობა, “ზენიტი”-“რეინჯერსის” მატჩის შედეგის პროგნიზორებისაგან თავს იკავებს. ეს ის შემთხვევაა, როდესაც ორივე გუნდს თასის აღების თანაბარი შანსი აქვს. ფაქტია, რომ დღეს მართლაც საინტერესო მატჩი გველის. გულშემატკივრობა კი, მხოლოდ და მხოლოდ გემოვნების საქ
"სიტი ოფ მანჩესტერზე" მისული გულშემატკივარი, დღეს დიდი ჯახის მომსწრე გახდება. საკამათო არ არის ის ამბავი, რომ ევროპული ფეხბურთის გრანდებს, არც “რეინჯერსი” და მეტადრე, არც “ზენიტი” არ განეკუთვნებიან, მაგრამ, როდესაც რანგით მეორე ევროპული ჯილდოს მფლობელის ვინაობა ირკვევა, ”გრანდის” მცნება უკანა პლანზე გადადის. 
Euro Cup Soccer 2008
