შვედეთის ფეხბურთეთა ეროვნული ნაკრების მთავარმა მწვრთნელმა ლარს ლაგერბეკმა, 36 წლის ფორვარდი ჰენრიკ ლარსონი, იმ 23 ფეხბურთელის სიაში ჩართო, რომლებიც 2008 წლის ევროპის ჩემპიონატზე გაემგზავრებიან. ამის შესახებ, სააგენტო Reuters-ი იუწყება. ლარსონმა საკუთარი ქვეყნის ეროვნულ გუნდში ბოლო თამაში 2006 წლის მსოფლიოს ჩემპიონატზე ჩაატარა, რის შემდეგაც, სანაკრებო კარიერის დასრულების თაობაზე განცხადება გააკეთა. თუმცა, შვედეთის საფეხბურთო ისტორიაში საუკეთესო მოთამაშედ აღიარებული ლარსონი, რომელიც ამჟამად “ჰელსინბორგში” გამოდის, სკანდინავების ღირსებას ისევ დაიცავს. “ჰელსინბორგი” საუცხოო ფეხბურთს თამაშობს, ჩვენ კარგად გამოვედით უეფას თასის ტურნირზე, შვედეთის პირველობაზეც მაღალ დონეზე ვასპარეზობთ. მოვლენეთა ასეთმა განვითარებამ უფრო მეტზე დამაფიქრა. 2006 წლის მსოფლიოს ჩემპიონატის შემდეგ ნაკრები რომ დავტოვე, არ მეგონა, ფეხბურთს კიდევ ამდენი ხანი თუ ვითამაშებდით” - განაცხადა ლარსონმა, რომელმაც მიმდინარე სეზონში “ჰელსინბორგის” შემადგენლობაში ჩატარებულ 11 მატჩში 6 გოლი გაიტანა. კარიერის განმავლობაში, ლარსონმა შვედეთის ეროვნულ გუნდში 93 შეხვედრა ითამაშა და მეტოქის კარი 36-ჯერ აიღო.
შვედეთის ფეხბურთეთა ეროვნული ნაკრების მთავარმა მწვრთნელმა ლარს ლაგერბეკმა, 36 წლის ფორვარდი ჰენრიკ ლარსონი, იმ 23 ფეხბურთელის სიაში ჩართო, რომლებიც 2008 წლის ევროპის ჩემპიონატზე გაემგზავრებიან. 
Euro Cup Soccer 2008
