ჰოლანდიის ფეხბურთელთა ეროვნული ნაკრების ყოფილი თავდამსხმელი პატრიკ კლუივერტი, ფრანგულმა გუნდმა “ლილმა” საკონტრაქტო ვალდებულებებისგან გაათავისუფლა. ამის შესახებ, უეფა-ს ოფიციალური საიტი იუწყება. კლუივერტმა ფრანგულ კლუბში სულ 1 სეზონი გაატარა. “ლილის” მთავარმა მწვრთნელმა კლოდ პიუელმა აღნიშნა, რომ 31 წლის ფეხბურთელთან კონტრაქტის გახანგრძლივება აღარ სურს, თუმცა ისიც დაამატა, რომ არ ნანობს, კლიივერტი მისი შეგირდი რომ იყო. “მოვა დრო და ის დიდი მწვრთნელი გახდება. მე არ ვნანობ კლუივერტი ჩემს გუნდში რომ თამაშობდა”, – აცხადებს პიუელი. კლუივერტმა “ლილის” შემადგენლობაში 8 შეხვედრა ჩაატარა და 4 გოლი გაიტანა.