“რეალი” მზადაა, ბელარუსი ნახევარმცველისთვის ბრძოლას შეუერთდეს და კონკურენცია გაუწიოს “ინტერს”, რომელიც აცხადებდა, რომ ფეხბურთელთან წინასწარი შეთანხმება მიღწეული ჰქონდა. სამეფო კლუბის წარმომადგენლები ალექსანდრ გლების აგენტს უკვე დაუკავშირდნენ და საკუთარი პირობები გააცნეს. “არსენალი” კი უშედეგოდ ცდილობს, ფლეიმეიქერი დარჩენაზე დაიყოლიოს.

დადებითი პასუხის სანაცვლოდ, 27 წლის ნახევარმცველს ხელფასს კვირაში 75 ათას ევრომდე გაუზრდიან, მაგრამ გლებს ეს ალბათ სასაცილოდ არ ეყოფოდა, რადგან “ნერაძური” ერთბაშად 125 ათასს ჰპირდება.
ბუნებრივია, “რეალი” არიფი არ არის და ანალოგიური პირობების დაკმაყოფილებას ისიც აპირებს. მეტიც: პოპულარული გამოცემა “ასის” მტკიცებით გლების ტრანსფერი უშუალოდ პრეზიდენტ რამონ კალდერონს აუყვანია კონტროლზე. სპორტულმა დირექტორმა პრედრაგ მიატოვიჩმა კი მკლავები დაიკაპიწა და არ არის გამორიცხული, “ინტერის” მიერ შეპირებულს 10 ათასიც წაამატოს.