საფრანგეთის ფეხბურთელთა ეროვნული ნაკრებისა და ესპანეთის “ბარსელონას” თავდამსხმელმა ტიერი ანრიმ, შესაძლოა, 2008 წლის ევროპის ჩემპიონატის შემდეგ კარიერა დაასრულოს.
ამის შესახებ, ფრანგული სპორტული გამოცემა L’Equipe-ი იუწყება.

“უკვე ვფიქრობ, რომ ევრო-2008-ის შემდეგ, ნაკრებში აღარ ვითამაშო. თუმცა, ამას გადაჭრით არ ვამბობ. ამპლუით თავდამსხმელი ვარ და მალე 31 წელი შემისრულდება” - განაცხადა ანრიმ.
გარდა ამისა, ფრანგ ჟურნალისტებთან საუბარში, ფეხბურთელმა “ბარსელონადან” მისი სავარაუდო წასვლის თაობაზეც გააკეთა კომენტარი.
“დავრჩები თუ არა “ბარსელონაში”? კლუბთან კონტრაქტი კიდევ 3 წლით მაკავშირებს და ამჟამად, ევროპის ჩემპიონატზე წარმატებით გამოსვლაზე ვარ კონცენტრირებული. მომავლის შესახებ შვებულების დროს ვიფიქრებ” - აღნიშნა ფრანგმა ფორვარდმა.