მთავარი » 2008»მაისი»24 » აბრამოვიჩმა შეიძლება 55 მილიონი ფუნტი დაკარგოს
აბრამოვიჩმა შეიძლება 55 მილიონი ფუნტი დაკარგოს
12:10
ფეხბურთის კლუბის ”ჩელსის” მფლობელმა, რუსმა ბიზნესმენმა რომან აბრამოვიჩმა ჩემპიონთა ლიგის ფინალში ”ჩელსის” მარცხის გამო შეიძლება 55 მილიონი ფუნტი სტერლინგი დაკარგოს, წერს ლონდონის გაზეთი ”ივნინგ სტენდარდი”.ჩემპიონთა ლიგის ფინალში, რომელიც 21 მაისს მოსკოვში გაიმართა, ”ჩელსიმ” გამარჯვება ”მანჩესტერ იუნაითედს” დაუთმო. პენალტების სერიაში შეცდა ”ჩელსის” კაპიტანი ჯონ ტერი, რომელსაც სველ ბაზახზე ფეხი აუცურდა და ბურთი კარს ააცილა. გაზეთის ცნობით, ის გუნდის მარცხის შემდეგ მთელი ღამე ცხარე ცრემლით ტიროდა.
”ვიდრე ტერი და მისი მეგობრები ჭრილობებს იშუშებენ, რომან აბრამოვიჩი მარცხის რეალურ ღირებულებას ითვლის”, - აღნიშნავს გამოცემა.
”მას ხელიდან გაშვებული შემოსავლების, პრიზების, კომერციული რეკლამის და გასაყიდი სუვენირების სახით 55 მილიონი ფუნტის დაკარგვა ემუქრება”, - ამბობს ”ივნინგ სტენდარდი”.
მეტიც, გაზეთის მონაცემებით, ეს ციფრი შეიძლება გაიზარდოს მას შემდეგ, რაც ”ლონდონი მარცხის ეფექტს იგრძნობს, როცა ტურისტების იმ დამატებითი ნაკადის გარეშე დარჩება, რომელსაც ევროპაში საუკეთესო კლუბის სამშობლოს ხილვა იზიდავს ხოლმე”.
”რია ნოვოსტის” ცნობით, თამაშს რომან აბრამოვიჩი მეგობარ ქალბატონ დარია ჟუკოვასთან ერთად ”ლუჟნიკების” VIP-ტრიბუნიდან ადევნებდა თვალს. ფოტოგრაფებმა დააფიქსირეს მათი გაწბილებული სახეები, როცა ორივე თავჩაღუნული იჯდა და ვერ დაეჯერებინა, რომ ”ჩელსიმ” თამაში წააგო.
ლონდონში კლუბის გულშემატკივრები სტადიონ ”სტამფორდ ბრიჯის” მახლობლად პოლიციას შეეჯახენ. შედეგად დააკავეს 12 ფანატი, 15 ადამიანი კი, პოლიციელების ჩათვლით, დაშავდა.
ფანატების ვანდალიზმი მარტო ლონდონის ქუჩებით არ შემოფარგლულა, ის ინტერნეტზეც აისახა. რომელიღაც გულშემატკივარმა ”ვიკიპედიაზე” ჯონ ტერიზე დაწერილ სტატიაში ჩაამატა სიტყვა ”იდიოტი”. გვერდის ნორმალურ მდგომარეობაში მოყვანას გარკვეული დრო დაჭირდა
კატეგორია: პრემიერ ლიგა |
ნანახია: 1015 |
დაამატა: bera
| რეიტინგი: 0.0/0 |
Euro Cup Soccer 2008
