ლა ლიგის წლევანდელ სეზონში მადრიდის ”რეალმა” ყველაზე მეტი ბურთი გაიტანა და ყველაზე ცოტა გაუშვა.გოლების რაოდენობის მიხედვით გუნდში სამი ბომბარდირი გამოიკვეთა.პირველ ადგილზეა რაული 18 გოლით, მეორეზეა ნისტერლოი 16 გოლით, ხოლო მესამეზეა რობინიო 11 გოლით.აღნიშნული სეზონი რომ შედეგიანი იყო მადრიდელებისათვის აქედანაც ჩანს.2002-2003 წ.წ. სეზონის შემდეგ გუნდში სამმა ფეხბურთელმა მხოლოდ წელს მოახერხა 10-ზე მეტი გოლის გატანა.აღნიშნულ წლებში რონალდომ, რაულმა და ფიგუმ მოახერხეს ამ ბარიერის გადალახვა.

სამეფო კლუბმა შარშანაც მოიპოვა ჩემპიონობა, მაგრამ მაშინ მხოლოდ რუუდმა მოახერხა 10-ზე მეტი გოლის გატანა.ჰოლანდიელი 25 გატანილი ბურთით პიჩიჩის მფლობელი გახდა.ჩვენს კაპიტანს კი წინა სათამაშო სეზონში მხოლოდ და მხოლოდ 7 გოლი ჰქონდა აქტივში.ალბათ ყველასათვის ნათელია, თუ რაოდენ კარგი სეზონი ჩაატარა რაულმა წელს.

წლევანდელ სეზონში სამ ტურნირზე ასპარეზობისას ”რეალმა” მთლიანობაში გაიტანა 106 გოლი.აღნიშნული ბურთების გატანი მეტოქის კარში სამეფო კლუბის თორმეტმა ფეხბურთელმა მოახერხა.

მოკლედ რომ ვთქვათ, პრიმერას 2007-2008 წ.წ. სეზონში ”ბლანკოსის” რიგებში სამი ბომბარდირი გამოიკვეთა.გუნდის ”7” ნომერი კი კლუბის საუკეთესო ბომბარდირი გახდა, ამ სეზონში 18 გატანილი გოლით.