მთავარი » 2008»მაისი»26 » “ბარსელონამ” სასურველ ფეხბურთელთა სია შეადგინა
“ბარსელონამ” სასურველ ფეხბურთელთა სია შეადგინა
12:23
ესპანური “ბარსელონას” ხელმძღვანელობა, წარუმატებელი სეზონის შემდეგ, ზაფხულის სატრანსფერო პერიოდში 10 ფეხბურთელის შეძენას აპირებს და დაახლოებით ამდენივე მოთამაშეს შეელევა. ესპანურმა გამოცემა Sport-მა იმ ფეხბურთელთა სია გამოაქვეყნა, რომლებიც კატალონიელთა ახალ მწვრთნელ ხოსეპ გვარდიოლას სურს გუნდში იხილოს. “ბარსელონას” შესაძლო ახალწვეულთა შორის სახელდებიან: მცველები: დანიელ ალვეში (“სევილია”), ხერარდ პიკე (“მანჩესტერ იუნაიტედი”), ფაბრიციო კოლოჩინი (“დეპორტივო”); ნახევარმცველები: სეიდუ კეიტა (“სევილია”), ალექსანდრ გლები (“არსენალი”), ფლორან მალუდა (“ჩელსი”), დავიდ სილვა (“ვალენსია”); თავდამსხმელები: კარიმ ბენზემა (“ლიონი”), ემანუელ ადებაიორი (“არსენალი”), დიმიტარ ბერბატოვი (“ტოტენჰემი”). აქედან ორი ფეხბურთელის ტრანსფერი უკვე გადაწყვეტილია: ხერარდ პიკემ “ბარსელონასთან” ხელშეკრულება რამდენიმე დღის წინ გააფორმა, ხოლო სეიდუ კეიტამ კატალონიურ კლუბში სამედიცინო შემოწმება წარმატებით გაიარა და კონტრაქტს უახლოეს დღეებში მოაწერს ხელს.
Euro Cup Soccer 2008
