მთავარი » 2008»მაისი»26 » ტიმო ჰილდებრანდი: “ლიოვი ნაკრების ფეხბურთელებს, პატივს არ სცემს”
ტიმო ჰილდებრანდი: “ლიოვი ნაკრების ფეხბურთელებს, პატივს არ სცემს”
12:26
ესპანური “ვალენსიას” გერმანელი მეკარე ტიმო ჰილდებრანდი, რომელიც გერმანიის ფეხბურთელთა ეროვნული ნაკრების მთავარმა მწვრთნელმა იოახიმ ლიოვმა ეროვნული გუნდის შემადგენლობაში არ შეიყვანა, ლიოვს ნაკრების ფეხბურთელებისადმი უპატივცემულობაში სდებს ბრალს. ამის შესახებ ჰილდებრანდმა გერმანულ საინფორმაციო საშუალებებს განუცხადა. “ყველაზე მეტად, ჩემზე იმ ფაქტმა იმოქმედა, რომ ლიოვმა, საკუთარი გადაწყვეტილების შესახებ, პირადად კი არ მაცნობა, არამედ ეს მეკარეთა მწვრთნელ ანდრეას კიოპკეს დაავალა. ეს ნაკრების ფეხბურთელებისადმი უპატივცემულობაა. ამით მან საკუთარ თავსაც არ სცა პატივი. მიუხედავად ყველაფრისა, თუ ნაკრებში დამიძახებენ, არ ექნება მნიშვნელობა, თუ ვინ იქნება მისი მწვრთნელი, მე ეროვნული მაისურით მაინც დიდი სიამოვნებით ვითამაშებ” - განაცხადა ტიმო ჰილდებრანდმა. მან ისიც განაცხადა, რომ ლიოვი შემადგენლობის დასახელებიდან 4 დღის შემდეგ დაუკავშირდა, თუმცა, მწვრთნელის არგუმენტებმა, თუ რატომ არ შეიყვანა ის საევროპისჩემპიონატო განაცხადში, სულაც ვერ დააკმაყოფილა. თავის მხრივ, ლიოვი ამბობს, რომ 29 წლის ჰილდებრანდს ევროპის ჩემპიონატის დასრულების შემდეგ შეხვდება და მომავლის გეგმებზე დაელაპარაკება.
ესპანური “ვალენსიას” გერმანელი მეკარე ტიმო ჰილდებრანდი, რომელიც გერმანიის ფეხბურთელთა ეროვნული ნაკრების მთავარმა მწვრთნელმა იოახიმ ლიოვმა ეროვნული გუნდის შემადგენლობაში არ შეიყვანა, ლიოვს ნაკრების ფეხბურთელებისადმი უპატივცემულობაში სდებს ბრალს.
Euro Cup Soccer 2008
