მთავარი » 2008»მაისი»26 » ვის ისურვებდა ჯაბა კანკავა ცხოვრების თანამგზავრად
ვის ისურვებდა ჯაბა კანკავა ცხოვრების თანამგზავრად
12:55
საქართველოს ეროვნული ნაკრების და “დნეპროს” ნახევარმცველის ჯაბა კანკავას ცხოვრებაში საინტერესო სიახლეა. ჯაბა რამდენიმე დღეა რაც თბილისში ჩამოვიდა და ინტერვიუზეც დავითანხმეთ. მას მხარი აწუხებს და საოპერაციოდ გერმანიაში მიემგზავრება.
- ჯაბა რამდენადაც ჩემთვის ცნობილია მხარი გაწუხებს, როდის იკეთებ ოპერაციას?
- მხარი დაახლოებით 4 წელია რაც მაწუხებს, ჯერ კიდევ “დინამოში” ვთამაშობდი. გერმანიაში 25 მაისს მივდივარ და ოპერაციას 27 მაისს ვიკეთებ. დაახლოებით 3 კვირა ვარჯიში არ შემეძლება. გერმანიიდან კვლავ თბილისში დავბრუნდები და სარეაბილიტაციო პერიოდს აქ გავატარებ.
- როგორც ვიცი, 27 და 31 მაისს ესტონეთთან და პორტუგალიასთან ამხანაგურ შეხვედრას შენ და დავით სირაძე გამოეთიშებით, სამაგიეროდ ნაკრებში ვიხილავთ ახალ სახეებს რატი ალექსიძისა და რევაზ ბარაბაძის სახით, რას გვეტყვი მათ შესახებ?
- რამდენადაც ჩემთვის ცნობილია ნაკრებში ბევრი ფეხბურთელია გამოძახებული. ბარაბაძესთან ერთად “დნეპრში” ვთამაშობდი, ის საკმაოდ კარგი ფეხბურთელია. რაც შეეხება ალექსიძეს, ის უფროსი თაობის ფეხბურთელია და კარგი თავდამსხმელია. იგი ადრე “ჩელსში” თამაშობდა.
- კლაუს ტოპმიოლერთან დაკავშირებით რას იტყვი?
- ის კარგი მწვრთნელი იყო, თუმცა კონკრეტულად ჩემთვის და ზოგადად ფეხბურთელისთვის არ აქვს მნიშვნელობა ვინ იქნება ნაკრების მწვრთნელი, მთავარია გუნდმა კარგი შედეგი აჩვენოს.
ჩვენთან სასაუბროდ ჯაბა მეგობარ გოგონასთან ერთად მოვიდა, სწორედ ეს გახდა მიზეზი, რომ პროფესიულ საკითხებთან ერთად მისი პირადი ცხოვრებითაც დავინტერესდით. 17 წლის თათა არევაძე ის ადამიანია, ვისთან ერთადაც ჯაბა კანკავა ცხოვრების გაგრძელებას ისურვებდა. კითხვაზე არის თუ არა მის ცხოვრებაში სიახლე, ჯაბა გულახდილად გვპასუხობს
- კი, არის ჩემს ცხოვრებაში ადამინი, რომელსაც მომავალს დიდი სიამოვნებით დავუკავშირებდი. ეს თათა არევაძეა, თათაში ყველაფერი მომწონს მისი შინაგანი და გარეგანი სამყარო, სწორედ ამიტომ მინდა ამ ადამიანთან ერთად ყოფნა. - დღესდღეობით ფეხბურთელები საკუთარ მომავალს უმეტესად მოდელებს უკავშირებენ, რა აზრის ხარ ასეთ ტანდემზე, თათაც მოდელის პროფესიას ეუფლება?
- კი, უმეტესად ასე ხდება. ახლახანს ნუკრი რევიშვილმაც თიკო ჩხეიძესთან ერთად შექმნა ოჯახი. ხშირია, როცა მართლა უყვარდებათ ერთმანეთი, თუმცა, ჩემი აზრით, აქ სხვა მომენტიცაა, ანუ ორივე პოპულარული სახეა და “შოუ-ბიზნესია” მაინც. თათა მოდელი არ არის და თავის პროფესიის გაგრძელებას საბანკო და ბიზნეს მართვაზე აპირებს.
ორიოდე შეკითხვით ჩვენ თათასაც მივმართეთ:
- თათა დიდი ხანია იცნობთ ერთმანეთს?
- დაახლოებით ექვსი თვეა.
- სამომავლოდ გააქვთ გადაწყვეტილი რაიმე?
- სამომავლოდ არ ვიცით რა იქნება.
- და ბოლოს, სად ისურვებდა ჯაბა კანკავა მომავალში თამაშს?
ჯერჯერობით წელიწადნახევარი დამრჩა “დნეპროში” სათამაშოდ და ისე გერმანიაში ვისურვებდი თამაშს.
კატეგორია: საქართველო |
ნანახია: 3316 |
დაამატა: bera
| რეიტინგი: 0.0/0 |
საქართველოს ეროვნული ნაკრების და “დნეპროს” ნახევარმცველის ჯაბა კანკავას ცხოვრებაში საინტერესო სიახლეა. ჯაბა რამდენიმე დღეა რაც თბილისში ჩამოვიდა და ინტერვიუზეც დავითანხმეთ. მას მხარი აწუხებს და საოპერაციოდ გერმანიაში მიემგზავრება.
Euro Cup Soccer 2008
