Kicker”-ის მიერ ჩატარებული გამოკითხვის შედეგად ბუნდესლიგის 2007-08 წლების სეზონის საუკეთესო მოთამაშედ მიუნხენის “ბაიერნისა” და საფრანგეთის ნაკრების ნახევარმცველი ფრენკ რიბერი დასახელდა. ჟურნალის მკითხველს საუკეთესო 268 ფეხბურთელს შორის უნდა აერჩია. რიბერის, რომელიც მიუნხენურ კლუბში შარშან მარსელის “ოლიმპიკიდან” გადავიდა და მის შემადგენლობაში გერმანიის პირველობაზე, თასსა და უეფას თასზე ჩატარებულ 44 (28-11-5) მატჩში 16 (11-3-2) გოლი გაიტანა და 19 (8-7-4) საგოლე პასი გააკეთა, ხმათა 57,8 პროცენტი ერგო. მეორე ადგილზე რიბერის იტალიელი თანაგუნდელი, 24 გოლით სეზონის მთავარმეგოლე ლუკა ტონი გავიდა – 24,8%, ხოლო მესამეზე ბრემენის “ვერდერის” ბრაზილიელი ნახევარმცველი დიეგო – 8,5%. სეზონის საუკეთესო მეკარედ მკითხველმა ლევერკუზენის “ბაიერის” მეკარე რენე ადლერი მიიჩნია – 40,7%, მეორე ადგილი “ჰანოვერის” კარის დარაჯმა რობერტ ენკემ დაიკავა – 21,1%, ხოლო “ბაიერნელი” ოლივერ კანი 11,6%-ით მესამეა. სეზონის საუკეთესო მწვრთნელად “ბაიერნის” თავკაცი ოტმარ ჰიცფელდი დასახელდა 32,9%, მას კოტბუსის “ენერგის” მწვრთნელი ბოიან პრაშნიკარი (18,9%) და “ვოლფსბურგის” დამრიგებელი ფელიქს მაგათი (16,7%) მოსდევენ.
Kicker”-ის მიერ ჩატარებული გამოკითხვის შედეგად ბუნდესლიგის 2007-08 წლების სეზონის საუკეთესო მოთამაშედ მიუნხენის “ბაიერნისა” და საფრანგეთის ნაკრების ნახევარმცველი ფრენკ რიბერი დასახელდა.
Euro Cup Soccer 2008
